Premer-ministr Oljas Bektenov Ükımettıŋ jaŋa qūramyna ündeu jasap, memlekettık organdar aldyna qoiylǧan mındetterdı jüielı türde jüzege asyruǧa jäne şeşımderdı jedel qabyldauǧa şaqyrdy, dep habarlaidy "Adyrna" ūlttyq portaly.
Būl turaly Ükımet basşysy ministrler kabinetınıŋ otyrysynda aitty.
Oljas Bektenov jaŋa Konstitusiianyŋ küşıne enuı eldıŋ saiasi jäne ekonomikalyq jaŋǧyruyna jol aşqan tarihi kezeŋ ekenın atap öttı. Osyǧan bailanysty Ükımet elımızdıŋ äleumettık-ekonomikalyq damuyn qamtamasyz etu üşın keşendı şaralar qabyldauy qajet ekenın aitty.
«Barlyq baǧyt pen salalar boiynşa Memleket basşysy qoiǧan mındetterdı jüielı ärı keşendı türde jüzege asyru qajet», – dedı premer-ministr.
Ükımet basşysy memlekettık organdar jūmysynyŋ negızınde «Zaŋ men tärtıp» jäne «Taza Qazaqstan» konstitusiialyq qaǧidattary tūruy tiıs ekenın atap öttı.
Sonymen qatar ol Ükımet jūmysy ozyq qarqynmen jürgızılıp, naqty nätijege baǧyttaluy kerektıgın aitty.
«Qazır tolyq jauapkerşılıktı moinymyzǧa alyp, naqty nätijelerge qol jetkızu üşın qajettı şeşımderdı jedel qabyldaityn uaqyt. Bärımız Prezidenttıŋ joǧary senımın tolyǧymen aqtauymyz kerek», – dedı Oljas Bektenov
