Qazırgı taŋda Qazaqstannan äiel ǧaryşkerdı ūşuǧa daiyndauǧa arnalǧan jeke baǧdarlama joq. Būl turaly Space Days Kazakhstan forumy aiasynda ötken brifingte ǧaryşker, Halyq Qaharmany Aidyn Aiymbetov aitty, dep habarlaidy «Adyrna» tılşısı.
Onyŋ sözınşe, bügınde elımızdıŋ jetekşı universitetterı men ǧylymi instituttarynyŋ ǧalymdary pilottalǧan ǧaryş salasyna arnalǧan jaŋa ǧylymi baǧdarlama äzırlep jatyr. Äzırge tek äielderden qūralǧan ekipaj jasaqtau nemese naqty bır äiel-ǧaryşkerdı ǧaryşqa jıberu turaly aituǧa erte. Degenmen, Aiymbetov qazaqstandyq qyzdardyŋ äleuetı zor ekenın jetkızdı.
«Men köptegen sūhbatymda bızdıŋ qyzdarymyz jıgıtterge des bermeitının aittym. Bılım berudıŋ qazırgı deŋgeiı köp närsenı aŋǧartady», — dedı ol.
Eske salaiyq, 2025 jyldyŋ qazan aiynda Astanadaǧy Ūlttyq ǧaryş ortalyǧynda ūzaq uaqyt oqşaulanuǧa arnalǧan SANA-1 eksperimentı ötken bolatyn. Oǧan Aeroǧaryş komitetıne qarasty ūiymdardyŋ tört qyzmetkerınen qūralǧan tolyqtai äielder ekipajy qatysqan edı. Olar ǧaryştyq ūşu jaǧdaiyndaǧy jūmysty imitasiialaǧan.
