Türkiia bilıgı Ystambūldaǧy Bosfor arqyly ötetın köpırler men avtomagistraldardy satudy josparlap otyrǧan joq. Onyŋ ornyna nysandardy belgılı bır merzımge jekemenşık kompaniialardyŋ basqaruyna beru mümkındıgın qarastyruda. Būl turaly 5 qyrküiek künı Türkiianyŋ Qarjy jäne qazynaşylyq ministrlıgı mälımdedı, dep habarlaidy “Adyrna”.
Türkiia prezidentı Rejep Taiyp Erdoǧan 4 qyrküiekte Bosfor arqyly ötetın ekı köpır men on avtomagistraldy 30 jyl merzımge jekemenşık basqaruǧa beruge mümkındık jasaityn şeşımge qol qoidy.
«Būl memlekettık aktivterdı satu turaly emes. Menşık qūqyǧy memlekette saqtalatyn jaǧdaida käsıporyndy belgılı bır merzımge basqaruǧa beru modelın baǧalauǧa baǧyttalǧan ädettegı daiyndyq jūmystary jürgızılıp jatyr», – dep ministrlık mälımdemesın Takvim basylymy jariialady.
Vedomstvonyŋ mälımetınşe, nysandardy jekeşelendıruge qatysty tender äzırge jariialanǧan joq. Erdoǧannyŋ şeşımı tek Jekeşelendıru basqarmasyna qajettı daiyndyq jūmystaryn jürgızuge ökılettık beredı.
Sonymen qatar ministrlık türık avtomagistraldary memleketke jyl saiyn 600 million dollar taza paida äkeledı degen aqparatty joqqa şyǧardy.
