Almatydaǧy uaqytşa ūstau abaqtysynan general-maior ölı küiınde tabyldy, dep habarlaidy “Adyrna” ūlttyq portaly.
18-ınşı tergeu izoliatorynda olar Almaty jäne Aqmola oblystary DP-nyŋ būrynǧy basşysy (2009-2016 jj.) - Jailaubek Halyqūlynyŋ mäiıtın tapqany belgılı boldy. General-maior öz-özıne qol jūmsady degen boljam bar.
Polisei 23 mamyrda ūstaldy. Ol qylmystyq ıstı toqtatu maqsatynda belgılı bır azamattyŋ aqşasy men mülkın alaiaqtyq jolmen aldy degen küdıkke ılıkken. Mälımetter naqtylanyp jatyr.
General-maiordyŋ ölımın Qylmystyq-atqaru jüiesı komitetı de rastady.
"Taŋǧy saǧat 7-ler şamasynda qamauǧa alynǧan J.Halyqūlyn qarauyl inspektory tapty. Mekemenıŋ kezekşı auysymy dereu alǧaşqy medisinalyq kömek körsettı. Qoldanylǧan şaralarǧa qaramastan, tergeudegı adamdy aman alyp qalu mümkın bolmady”, delıngen mälımdemede.
Oqiǧa ornyna jedel-tergeu toby, prokuratura ökılderı men oblystyq IID basşylyǧy kelgenı naqtylanuda. Basqa ūstalǧandarmen äŋgıme jürgızıldı. Tekseru nätijesınde oǧan qatysty zaŋsyz äreketter faktılerı anyqtalǧan joq.
Qazırgı uaqytta ışkı audit jürgızılude, onyŋ nätijelerı boiynşa qoldanystaǧy zaŋnamaǧa säikes şaralar qabyldanady.
“Adyrna” ūlttyq portaly
