Qazaqstan Ūlttyq qorynyŋ valiutalyq aktivterı 2026 jylǧy 1 şıldedegı jaǧdai boiynşa 65,5 mlrd dollardy qūrady, dep habarlaidy “Adyrna”.
Būl turaly Qazaqstan Ūlttyq bankı habarlady.
Ūlttyq bank basqarmasy 2026 jyldyŋ ekınşı toqsanynda Ūlttyq qor aktivterın senımgerlık basqaru nätijelerı turaly eseptı bekıttı. Eseptı kezeŋde qor aktivterınıŋ investisiialyq kırıstılıgı 2,92 mlrd dollar boldy.
Ūlttyq banktıŋ mälımetınşe, investisiialyq nätijege geosaiasi şielenıstıŋ bäseŋdeuı, tehnologiialyq sektordyŋ ösuı jäne älemdık qor naryqtarynyŋ qalpyna keluı äser etken. Sonymen qatar jahandyq obligasiialar naryǧynda ösım baiqalǧan.
Alaida mūnai men altyndy qosa alǧanda, bırqatar şikızat baǧasy tömendedı.
Otyrysta aqşa jäne valiuta naryǧyndaǧy ahual turaly da baiandaldy. Ūlttyq bank Qazaqstanda valiutalyq operasiialardy jüzege asyru qaǧidalaryna özgerıster men tolyqtyrular engızdı.
Jaŋa normalar zaŋdy tūlǧalardyŋ qolma-qol emes şetel valiutasyn satyp alu tärtıbın jetıldıruge baǧyttalǧan.
Būdan bölek, Ūlttyq bank basqarmasy bırqatar qaulyǧa özgerıster engızdı. Qūjattar Qazaqstannyŋ jaŋa Konstitusiiasyna, Sifrlyq kodekske jäne basqa da zaŋnamalyq aktılerge säikestendırıldı.
Būǧan deiın premer-ministrdıŋ orynbasary – ūlttyq ekonomika ministrı Serık Jūmanǧarin Ükımet otyrysynda Ūlttyq qordyŋ valiutalyq aktivterı 2029 jylǧa qarai 70,6 mlrd dollarǧa deiın ūlǧaiatynyn aitqan.
