Kökşetauda qala damuyna arnalǧan tehnologiialyq şeşımder äzırleitın startaptar men komandalarǧa arnalǧan ekı ailyq Smart City Accelerator baǧdarlamasyna ötınım qabyldau bastaldy. Jobany «Aqmola Hub» öŋırlık IT-haby Digital Aqmola-men bırlesıp jüzege asyruda. Baǧdarlama turaly ÖKQ brifingınde «Aqmola Hub» direktory Asel Abdrahmanova mälımdedı.
Qatysuşylar öz jobalaryn tört baǧyt boiynşa ūsyna alady. Olar: auyl şaruaşylyǧy jäne tabiǧi resurstar, qalalyq infraqūrylym jäne memlekettık qyzmetter, ekologiia jäne qorşaǧan ortanyŋ jai-küiın monitoringteu, sondai-aq kölık, mobildılık jäne turizm.
Akseleratordyŋ basty erekşelıgı – qatysuşylarǧa sarapşylardyŋ kömegımen öz ideialaryn jetıldırıp, olardy naqty jaǧdaida qoldanuǧa daiyndauǧa mümkındık berıledı. Baǧdarlama barysynda komandalar trekerlermen, sondai-aq biznes-modeldeu, iunit-ekonomika, önımdı damytu, marketing, PR, jobany tanystyru jäne qorǧau, köpşılık aldynda söz söileu baǧyttary boiynşa mamandarmen jūmys ısteidı.
«Bız komandalarǧa öz ideialaryn ūsynyp qana qoimai, önımderın qalalyq ortanyŋ naqty qajettılıkterıne beiımdeuge mümkındık bergımız keledı. Nätijesınde üzdık şeşımder äzırleu kezeŋınen pilottyq joba retınde ıske asyruǧa deiın jetuı mümkın», – dedı Asel Abdrahmanova.
Baǧdarlama sarapşylarynyŋ qatarynda Andrei Kriukov, Meiırbek Mūqatov, Marat Şäken, Aqbota Mūsa, İlias Batyrov jäne basqa da täjıribelı mamandar bar.
Baǧdarlama 10 qaraşada ötetın Demo Day şarasymen qorytyndylanady. Onda qatysuşylar öz jobalaryn qalalyq qyzmetter men memlekettık organdar ökılderıne, sondai-aq investorlarǧa tanystyrady. Eŋ perspektivaly jobalar Kökşetauda pilottyq rejimde engızıluı mümkın.
