Otandyq televiziia salasynyŋ ardagerı, belgılı telejurnalist Tıleuqabyl Myŋjasar 75 jasqa qaraǧan şaǧynda dünieden öttı. Qaraly habardy telejürgızuşı Rinat Kertaev äleumettık jelıdegı paraqşasynda jariialady, dep habarlaidy "Adyrna".
«Tıleuqabyl aǧa – jurnalistikany qyzmet emes, ömırınıŋ mänı dep tüsıngen azamat edı», – dep jazdy Rinat Kertaev.
Onyŋ aituynşa, Tıleuqabyl Myŋjasar köp jyldyq täjıribesı bar käsıbi maman bolumen qatar, keiıngı buynǧa baǧyt-baǧdar berıp, aqylyn aityp jürgen syily aǧa bolǧan. Jurnalistıŋ qazasyna ne sebep bolǧany äzırge belgısız.
Marqūmnyŋ janazasy 29 tamyz künı 10:00-de öz şaŋyraǧynda ötedı.
Tıleuqabyl Myŋjasar 1952 jyly Türkıstan qalasynda düniege kelgen. 1975 jyly äl-Farabi atyndaǧy Qazaq ūlttyq universitetınıŋ jurnalistika fakultetın bıtırgen. Sol jyly Qazaq televiziiasynyŋ balalar men jasöspırımder redaksiiasynda alǧaşqy habary efirge şyqty.
Ol «Habar» agenttıgı qūrylǧannan berı osy salada eŋbek etıp, 1998 jyldan bastap Almaty oblysyndaǧy menşıktı tılşı qyzmetın atqardy. Qyryq jyldan astam uaqytyn jurnalistikaǧa arnaǧan maman el öŋırlerın aralap, halyqtyŋ äleumettık jaǧdaiyn, sondai-aq auyl-aimaqtardaǧy özektı mäselelerdı respublikalyq telearna efirınde tūraqty köterıp otyrdy.
Käsıbi eŋbegı elengen jurnalist Qazaqstan Jurnalister odaǧy syilyǧynyŋ laureaty atanyp, Almaty oblysynyŋ qūrmettı azamaty boldy. Sonymen qatar «Habar» agenttıgınıŋ «Altyn mikrofon» syilyǧymen marapattalǧan. Eŋbegı üşın medal jäne Qazaqstan Prezidentınıŋ Alǧys hatyn alǧan.
Marqūmnyŋ otbasy men jaqyndaryna qaiǧyryp köŋıl aitamyz.
