Astanadaǧy Alem.ai alaŋynda memlekettık organdardyŋ, joǧary oqu oryndarynyŋ, tehnologiialyq kompaniialar men sarapşylar qauymdastyǧynyŋ ökılderın bırıktırgen Qazbot Robotics Forum öttı. Būl turaly Ǧylym jäne joǧary bılım ministrlıgı aitty, dep habarlaidy «Adyrna» tılşısı.
Forum barysynda Qazaqstanda gumanoid robottar öndırısın ıske qosu jobasy tanystyrylǧan. Ol robototehnika, jasandy intellekt jäne önerkäsıptık öndırıs baǧyttaryn bırıktırıp, eldegı injenerlık jäne tehnologiialyq qūzyretterdı damytuǧa baǧyttalǧan.
«Bızdıŋ mındetımız – daiyn tehnologiialyq şeşımderdı engızumen ǧana şektelmei, Qazaqstanda özımızdıŋ injenerlık jäne ǧylymi qūzyretterımızdı qalyptastyru. Gumanoid robottar öndırısı universitetter, ǧalymdar men industriiany bırtūtas tehnologiialyq tızbekke bırıktıretın alaŋǧa ainaluy tiıs. Būl – mamandar daiarlau men ǧylymi zertteulerden bastap, tehnologiialyq şeşımderdı äzırleu jäne olardy önerkäsıpte qoldanuǧa deiıngı tolyq sikl. Bız bılım, ǧylym jäne öndırıstı yqpaldastyrudyŋ däl osyndai modelın keŋeitudı közdep otyrmyz», – dedı Ǧylym jäne joǧary bılım ministrı Saiasat Nūrbek.
Bügınde elımızde jaŋa tehnologiialyq baǧytty damytuǧa qajettı kadrlyq baza qalyptasyp keledı. Qazaqstandyq joǧary oqu oryndarynda robototehnika, mehatronika, önerkäsıptık avtomattandyru, intellektualdy jüieler jäne jasandy intellekt salalary boiynşa 56 bılım beru baǧdarlamasy jüzege asyryluda.
Forum aiasynda Saiasat Nūrbek QAZBOT jäne AgiBot basşylyǧymen kezdesıp, injenerlık kadrlar daiarlau, beiındı zerthanalar qūru, bırlesken ǧylymi zertteuler jürgızu jäne studentter men ǧalymdardy gumanoid robototehnika jobalaryna tartu mäselelerın talqylaǧan.
Jobany ıske asyru Qazaqstanda robototehnika men jasandy intellekt salasyndaǧy injenerlık jäne ǧylymi äleuettı damytuǧa, sondai-aq bılım, ǧylym jäne öndırıs arasyndaǧy bailanysty küşeituge mümkındık bermek.
