Túrkııa Prezıdenti janyndaǵy Qorǵanys ónerkásibi basqarmasynyń qoldaýymen, Turkish Aerospace Industries (TAI) ázirlegen KAAN “qaǵan” ulttyq jaýyngerlik ushaǵy ekinshi márte synaqtan sátti ótti, dep habarlaıdy “Adyrna” ulttyq portaly.
Agenttik málimdemesine sáıkes, 10 mamyr kúni ekinshi márte kókke kóterilgen KAAN jaýyngerlik ushaǵy 10 myń fýt bıiktikte 230 túıin jyldamdyqpen 14 mınýt boıy ushqan.
Qorǵanys ónerkásibi dırekııasynyń basshysy Halýk Górgún KAAN-nyń ekinshi reısi aıaqtalǵannan keıin synaqtan ótkizgen ushqyshtarmen jáne jobany jasaýshy toppen kezdesti.
Ol taǵy bir tarıhı sáttiń oryn alǵanyn aıtyp, osy oqıǵanyń kýágeri bolǵany úshin alǵysyn jaýdyrdy.
«Túrik avıaııa jáne qorǵanys ónerkásibi tarıhynda taǵy bir mańyzdy kúnge kýá boldyq. Búgin bizdiń joıǵysh ushaǵymyz ekinshi ushýyn oryndady. Ol 21 aqpanda alǵashqy reısin jasaǵan bolatyn. Búgin birinshi reısten alynǵan málimetter baǵalanyp, taldanǵannan keıin ekinshi reıske daıyndyq aıaqtaldy. Osy reısten alynǵan tájirıbeni búkil komanda baǵalaıdy jáne aldaǵy reısterge daıyndyq jalǵasady. Biz barlyq qyzmetkerlerimizge, ınjenerlerge, ushqyshtarymyzǵa jáne synaq jasaǵan ushqyshtarymyzǵa kúsh-jigerleri úshin alǵys bildiremiz jáne elimizge sáttilik tileımiz» dedi Górgún.
