Jyl soŋyna deiın Qaraǧandy oblysynyŋ eldı mekenderınde 70 moduldık veterinariialyq punkt ornatylady.
Qazır 46 auylda tiıstı jūmystar jürgızılıp jatyr, onyŋ 20-synda montajdau jūmystary aiaqtaluǧa jaqyn. Jaŋa veterinariialyq punktterdıŋ bırı Būqar jyrau audanynyŋ Petrovka auylynda ornatyldy.
Zamanaui nysan auyl şaruaşylyǧy januarlaryn qabyldap, qajettı veterinariialyq ıs-şaralardy jürgızuge arnalǧan qūral-jabdyqtardyŋ barlyǧymen qamtamasyz etılgen.
Mūnda meŋgeruşı men veterinariialyq sanitar eŋbek etedı. Olar 202 jeke qosalqy şaruaşylyqqa qyzmet körsetedı.
Osyǧan deiın Petrovka auylynda veterinariialyq punkt bolmaǧan.
— Endı januarlardy veterinariialyq punktke äkelıp, sol jerden bılıktı kömek aluǧa bolady. Mūnda maldy emdeuge jäne aurulardyŋ aldyn aluǧa arnalǧan preparattar da saqtalady. Biyl oblysta osyndai 70 nysan salu josparlanǧan, onyŋ 14-ı Būqar jyrau audanynda boi köteredı, — dedı Qaraǧandy oblysynyŋ veterinariia basqarmasynyŋ basşysy Amandyq Jaketaev.
Biyl oblystyŋ bırneşe audanynda moduldık veterinariialyq punktter ornatylyp jatyr.
Būqar jyrau audanyndaǧy alty nysanda — Doskei, Petrovka, Toǧyzqūdyq, Novouzenka, Baimyrza jäne Gagarin auyldyq okrugterınde jūmystar aiaqtaluǧa jaqyn.
Nūra audanynda taǧy tört punkt — Tassuat, Qorǧanjar, İndustralnaia jäne Donskoi auyldyq okrugterınde salynyp jatyr.
Al Osakarov audanynda 10 nysandy aiaqtau josparlanǧan. Olar Pioner, Ozernyi, Batpaqty jäne Sadovyi auyldyq okrugterınde, sondai-aq Osakarov, Esıl, Marjanköl, Nikolaevka, Sūŋqar jäne Qūndyzdy eldı mekenderınde ornatyluda.
Jalpy, aldaǧy ekı jylda Qaraǧandy oblysynda veterinariialyq infraqūrylymnyŋ 173 nysanyn qūru josparlanǧan.
Veterinariia basqarmasynyŋ mälımetınşe, jaŋa punktterdıŋ aşyluy mamandarǧa auyldyq jerlerdıŋ özınde sapaly qyzmet körsetuge qajettı jaǧdai jasauǧa mümkındık beredı. Būl rette şaruaşylyq ielerı üşın veterinariialyq kömektıŋ qoljetımdılıgı artyp, malǧa veterinariialyq qyzmet körsetu sapasy da jaqsara tüsedı.
