Qazaqstannyŋ ekologiia jäne tabiǧi resurstar ministrlıgı «Teŋızşevroil» kompaniiasyn öndırıstık qaldyqtardy saqtau talaptaryn būzdy dep aiyptady, dep habarlaidy "Adyrna" ūlttyq portaly.
Būl turaly Bloomberg agenttıgı habarlady.
Ministrlıktıŋ mälımetınşe, şılde aiynda Atyrau oblysy boiynşa ekologiia departamentı Teŋız ken ornynda jospardan tys tekseru jürgızgen. Tekseru nätijesınde käsıporynda ekologiialyq rūqsatta belgılengen limittersız qaldyqtardyŋ jinaluyna jol berılgenı anyqtalǧan. Alaida «Teŋızşevroil» tekseru qorytyndysymen kelıspeitının mälımdep, sotqa deiıngı şaǧymdanu räsımın bastaǧan. Osyǧan bailanysty kompaniiany äkımşılık jauapkerşılıkke tartu mäselesı şaǧym qaralǧanǧa deiın uaqytşa toqtatyldy.
Kompaniia ökılderı öz qyzmetın uäkılettı memlekettık organdar bergen rūqsattar men qoldanystaǧy zaŋnama talaptaryna säikes jüzege asyryp jatqanyn atap öttı. Būl – «Teŋızşevroilǧa» qatysty alǧaşqy ekologiialyq dau emes. Biyl säuır aiynda kompaniia atmosferaǧa lastauşy zattardy belgılengen normadan artyq şyǧarǧany üşın 53,7 million teŋge kölemınde aiyppūl tölegen.
Soŋǧy jyldary Qazaqstan halyqaralyq mūnai konsorsiumdaryna qoiylatyn ekologiialyq talaptardy küşeitıp keledı. Atap aitqanda, 2023 jyly Qaşaǧan ken ornyn igerıp jatqan North Caspian Operating Company (NCOC) konsorsiumyna kükırttı normadan tys saqtaǧany üşın köp milliard dollarlyq talap qoiylǧan. Qazırgı uaqytta būl ıs sotta qaralyp jatyr.
