AQSh prezıdenti Djo Baıden prezıdent saılaýy básekesinen ne sebepti bas tartqanyn túsindirdi, dep habarlaıdy «Adyrna» tilshisi.
«Memleket basshysy retindegi jetistikterim, álemdegi kóshbasshylyǵym, Amerıkanyń bolashaǵy týraly kózqarasym ekinshi merzimge laıyq dep sanaımyn. Dese de, bizdiń demokratııany saqtap qalýǵa eshteńe kedergi bola almaıdy. Bul jeke ambıııalarǵa da qatysty»,— dedi ol.
Baıden sońǵy aptalarda el men demokratııalyq partııany biriktirý kerek ekenin túsingenin atap ótti. Aıtýynsha, alǵa jyljýdyń eń jaqsy joly - joldy jańa urpaqqa berý.
«Qoǵamda kóp jyldyq tájirıbesi bar adamdar úshin ýaqyt pen oryn bar. Men óz laýazymymdy qurmetteımin, biraq óz elimdi odan da qatty jaqsy kóremin. Bul elge prezıdent retinde qyzmet etý úlken qurmet boldy»,— dep tolyqtyrdy ol.
Eske salaıyq, 21 shildede Djo Baıden demokrattar atynan prezıdenttikke kandıdat retinde óziniń vıe-prezıdenti Kamala Harrısti usynǵan edi.
