Astanada Qūryltai sailauyna qatysatyn jetı saiasi partiia ökılderınıŋ qatysuymen televiziialyq sailaualdy debat öttı, dep habarlaidy "Adyrna" tılşısı.
Bılım beru jüiesın damytu taqyrybyna arnalǧan pıkırtalas Jetınşı arnanyŋ tıkelei efirınde körsetıldı.
Debatqa «Ädılet», JSDP, «Baitaq», Qazaqstan Halyq partiiasy, «Auyl», «Aq jol» jäne Respublica partiialarynyŋ ökılderı qatysty. Qatysuşylar bılım beru salasyn damytuǧa qatysty sailaualdy baǧdarlamalaryndaǧy basym baǧyttardy tanystyryp, özektı mäseleler boiynşa pıkır almasty.
Pıkırtalas tört kezeŋnen tūrdy. Partiia ökılderı baǧdarlamalaryn tanystyryp, bır-bırıne sūraq qoidy, körermenderdıŋ saualdaryna jauap berıp, sailauşylarǧa qorytyndy ündeu jasady. Talqylau barysynda bılım beru jüiesın sifrlandyru, joǧary bılımnıŋ qoljetımdılıgı, jūmysşy kadrlardy daiarlau, pedagogterdıŋ märtebesın arttyru, auyl jastaryn qoldau jäne qazaqstandyq joǧary oqu oryndarynyŋ halyqaralyq bäsekege qabılettılıgın küşeitu mäselelerı söz boldy.
Efir barysynda körermender QR-kod arqyly ūiymdastyrylǧan onlain dauys beruge qatysty. Dauys beru qorytyndysy boiynşa «Ädılet» partiiasy – 45,48%, «Auyl» partiiasy – 15,58%, Respublica partiiasy – 12,01%, JSDP – 9,71%, «Aq jol» partiiasy – 7,98%, Qazaqstan Halyq partiiasy – 6,96%, «Baitaq» partiiasy – 1,58% dauys jinady. Al «Eşqaisysyn qoldamaimyn» nūsqasyn qatysuşylardyŋ 0,70%-y taŋdaǧan.
Teledebat Qazaqstan Respublikasynyŋ sailau turaly zaŋnamasynyŋ talaptaryna säikes ūiymdastyrylyp, saiasi partiialar, sarapşylar men sailauşylar arasyndaǧy aşyq dialog alaŋyna ainaldy.
