Soltüstık Qazaqstan oblysynyŋ 84 jastaǧy tūrǧyny Aida Lukianova Qazaqstan Prezidentı Qasym-Jomart Toqaevqa beineündeu jasap, reseitektı biznesmen, Freedom Holding kompaniiasynyŋ iesı Timur Turlovtyŋ elımızdegı qyzmetıne tosqauyl qoiudy sūrady, dep habarlaidy “Adyrna” ūlttyq portaly QazTAG-qa sıltep.
«Qūrmettı Qasym-Jomart Kemelūly! Bız – Qazaqstan azamattary, sonyŋ ışınde köpşılıgımız zeinetkerler, Sızden myrza Turlov myrzanyŋ elımızdegı kompaniialarynyŋ zaŋsyz äreketterıne nazar audaryp, onyŋ jolyn kesudı sūraimyz. Bız jinaǧan barlyq qarajatymyzdan aiyryldyq. Turlov myrza Qazaqstan azamattyǧyn alǧanymen, elge alǧys bıldırudıŋ ornyna qarapaiym halyqtyŋ senımın paidalanyp, bızdıŋ aqşamyzdy ofşorlarǧa şyǧaryp jıberdı», – dedı Lukianova öz ündeuınde.
Onyŋ aituynşa, ömır boiy jinaǧan qarajatyn qazaqstandyq bankterde saqtaǧan. Alaida Freedom Finance kompaniiasynyŋ brokerlerı oǧan jäne basqa da zeinetkerlerge keŋsege kelıp, investisiialyq tabys alu üşın qarajatty salyp, kelısımşarttar jasauǧa ügıttegen.
Keiın belgılı bolǧandai, azamattar kompaniiamen emes, Belizde tırkelgen jäne Qazaqstanda tırkelmegen. Alaida Turlovtyŋ jeke kompaniiasy – Freedom Broker Service-pen kelısımşart jasaǧan. Osy arqyly köptegen zeinetkerler jinaǧan aqşalarynan aiyrylyp qaldy.
«84 jastamyn. Endı kün köru üşın qaita jūmys ısteuge mäjbürmın. Köpqabatty üidıŋ kıreberısterın juyp, eden juuşy bolyp ısteimın. Men – Ūly Otan soǧysynda Kursk tübınde qaza tapqan ofiserdıŋ qyzymyn. 80 jyldyq Jeŋıs mereitoiyna qatysudy armandaǧan edım. Bıraq sızderdıŋ kesırlerıŋızden būl armanym oryndalmai qaldy», – dedı ol közıne jas alyp.
Lukianova Prezident pen Bas prokuraturadan barlyq zardap şekken azamattardyŋ qarajatyn qaitaruǧa kömektesudı jäne Timur Turlovtyŋ kompaniialarynyŋ qyzmetıne zaŋdy türde tosqauyl qoiudy sūrady.
Aita keteiık, būǧan deiın Freedom Holding Corp.-qa qarasty «Fridom Finans» kompaniiasyndaǧy top-menedjerlerdıŋ atyna bırneşe alaiaqtyq ıs qozǧalǧan bolatyn
Ūqsas jaŋalyqtar
