«Pavlodar oblysynyŋ jer qoinauyn paidalanu, qorşaǧan orta jäne su resurstary basqarmasyna» qarasty «Maksim-Gorkii orman jäne januarlar älemın qorǧau jönındegı mekeme» 2024 jyly 135 171 812 teŋgege 2 162 749 dana qaraǧai köşetın satyp almaq, - dep habarlaidy Adyrna ūlttyq portaly https://satypalu.gov.kz/kz/ saityna sılteme jasap.
«Pavlodar oblysynyŋ memlekettık satyp alu basqarmasy» 2024 jyly 2 million danadan asa qaraǧai köşetın egu maqsatyndaǧy tenderdı 28 qaraşa künı tender jariialaǧan. Jeŋımpaz kompaniia 13 jeltoqsan künı anyqtalmaq.
Qūny 135 171 812 teŋgege baǧalanǧan memlekettık satyp aludyŋ tehnikalyq sipattamasynda tauardy kompaniia körsetılgen jerge jetkızgennen keiın satuşynyŋ jauapkerşılıgı aiaqtalatyny jazylǧan. Iаǧni, köşetterdı egu, kütu, baptau jūmystary 135 171 812 teŋgege kırmeidı degen söz. Demek, 135 171 812 teŋgege 2 162 749 dana satyp alatyn bolsa, qaraǧai köşetınıŋ är danasy 62.5 teŋgeden boluy tiıs degen söz.
Sondai-aq, qaraǧai köşetınıŋ jasy 2 jastan kem emes jäne 3 jastan aspaityn, sabaqtyŋ biıktıgı 10 sm-den kem emes jäne 15 sm-den aspaityn, tamyr moinyndaǧy sabaqtyŋ qalyŋdyǧy kemınde 2,5 mm, tamyr jüiesınıŋ ūzyndyǧy kemınde 20 sm jäne 30 sm-den aspaityn boluy jäne 2024 jyldyŋ 1-10 säuır aralyǧynda – 1 142 800 dana, 2024 jyldyŋ 15-20 qyrküiek aralyǧynda 1 019 949 dana jetkızıluı kerektıgı körsetılgen.
Būl köşetter Pavlodar oblysynyŋ Tereŋköl audanyna qarasty Bobrovka auyldyq okrugınıŋ Qaşyr ormanşylyǧyna egıledı.
Tehnikalyq sipattamada körsetılgen ölşemderge säikes köşetterdıŋ baǧasy internette 25-30 teŋgeden samsap tūr.
Bızdı endı mynandai sūraqtar mazalaidy. Pavlodar oblysynyŋ memlekettık satyp alu basqarmasy är danany 62.5 teŋgege qandai negızge süienıp baǧalap otyr? Sonymen qatar, körsetılgen aumaqqa 2 162 749 köşet egılgenın qalai baqylaidy? Ony baqylau üşın arnaiy kommissiia qūrylǧan ba? Köşetterdıŋ önıp, jersınıp ketuıne kım kepıldık beredı? Tapsyrys beruşı mekeme 2 millionnan astam köşetterdıŋ tolyqtai egılgenın qalai däleldeidı?
Būl sūraqtardy tiıstı mekemege joldadyq. Jauap kelıp jatsa, ony da jariialaityn bolamyz.
Qanat Bırlıkūly,
"Adyrna" ūlttyq portaly
Ūqsas jaŋalyqtar
