14 şılde künı Qazaqstan uaqytymen saǧat 19:48-de Baiqoŋyr ǧaryş ailaǧynan Halyqaralyq ǧaryş stansiiasyna baǧyttalǧan «Soiuz MS-29» basqarylatyn ǧaryş kemesı ūşyrylady, dep habarlaidy "Adyrna" tılşısı.
«Roskosmos» memlekettık korporasiiasynyŋ mälımetınşe, negızgı ekipaj qūramyna reseilık ǧaryşkerler Petr Dubrov pen Anna Kikina, sondai-aq NASA astronavty Anil Menon engen.
Ǧaryş kemesınıŋ komandirı bolyp Petr Dubrov taǧaiyndaldy. BAQ deregınşe, būl onyŋ ǧaryşqa ekınşı ret ūşuy. Alǧaşqy ekspedisiiasynda ol orbitada 355 täulıkten astam uaqyt bolyp, aşyq ǧaryşqa tört ret şyqqan. Anna Kikina da Halyqaralyq ǧaryş stansiiasyna ekınşı ret attanady. Ol 2022 jyly Crew-5 missiiasy aiasynda Crew Dragon kemesımen ǧaryşqa ūşqan.
Al NASA ǧaryşkerı Anil Menon üşın būl alǧaşqy ǧaryş sapary bolmaq.
«Soiuz MS-29» ekipajy Halyqaralyq ǧaryş stansiiasynda ǧylymi zertteuler jürgızıp, josparlanǧan bırqatar missiialardy oryndaidy.
