Búgin, 2023 jylǵy 16 jeltoqsanda «Baıqońyr» ǵarysh aılaǵynyń 31-shi alańynan reseılik «Arktıka-M» №2 jerserigi ushyryldy. Ushyrý belgilengen ýaqytta, Astana ýaqyty boıynsha 15:17:48-de oryndaldy, dep habarlaıdy «Adyrna» ulttyq portaly.
Dástúr boıynsha, Baıqońyrdan ushyrý Roskosmostyń telestýdııasy tikeleı efırinde kórsetildi. Habarlamaǵa sáıkes, zymyran tasyǵyshtyń bólikterin bólý jáne «Fregat» joǵarǵy satysy men «Arktıka» ǵarysh apparatyn tasymaldaý orbıtasyna shyǵarý shtattyq rejımde ótti.
2021 jylǵy aqpanda Baıqońyr ǵarysh aılaǵynan ushyrylǵan birinshi osyndaı apparat - «Arktıka M» №1-men birlesip, «Arktıka-M» ekinshi spýtnıgi Soltústik Muzdy muhıttyń jer beti men teńizderiniń táýlik boıy aýa-raıynyń monıtorıngin, sondaı-aq turaqty jáne senimdi baılanysyn qamtamasyz etedi.
Osy ushyrý arqyly Roskosmos Baıqońyr ǵarysh aılaǵynan aǵymdaǵy jyldyń ushyrý baǵdarlamasyn aıaqtady. 2023 jyly Halyqaralyq ǵarysh stanııasy men kommerııalyq ushyrý baǵdarlamasy boıynsha Baıqońyrdan barlyǵy 9 ushyrý júzege asyryldy.
«Adyrna» ulttyq portaly
