Mihail Lomtadze Djekidıŋ Qazaqstandy öz üiındei sezınuı üşın aŋyzǧa ainalǧan akterge Kaspi Gold tabystady.
Bügın Almatyda Djeki Channyŋ qatysuymen tüsırıletın «Qūdaidyŋ sauyty: Ultimatum» filmıne arnalǧan baspasöz konferensiiasy öttı. Kaspi.kz kartina tüsırılımınıŋ bas serıktesı boldy.
Baspasöz konferensiiasy barysynda Kaspi.kz-tıŋ basşysy ärı teŋ qūryltaişysy Mihail Lomtadze Djeki Chanǧa Kaspi Gold tabystady.
Mihail Lomtadze, Kaspi.kz basşysy ärı negızın qalauşylardyŋ bırı:
«Djeki Chandy Qazaqstanda qarsy alyp, onyŋ jaŋa filmınıŋ tüsırılımıne qoldau körsetu bız üşın ülken quanyş. Būl joba elımızge älemnıŋ nazaryn audaryp, Qazaqstandy jaŋa qyrynan körsetuge mümkındık beredı.
Djeki Qazaqstanmen būrynnan tanys. Bıraq bız onyŋ elımızdıŋ kündelıktı tynys-tırşılıgın tolyq sezınuı üşın mındettı türde Kaspi Gold qajet dep şeştık. Ol arqyly Djeki zamanaui Qazaqstannyŋ ömırımen jaqynyraq tanysyp, tüsırılım kezınde öz üiındei jaily sezıne alady.
Osy auqymdy jobanyŋ bır bölıgı boluǧa mümkındık bergenı üşın Sälem Entertainment pen Adal Investments kompaniialaryna alǧysymyzdy bıldıremız. Djeki Chanǧa jäne filmnıŋ bükıl şyǧarmaşylyq tobyna sättı tüsırılım, zor şabyt jäne Qazaqstannan ūmytylmas äser tıleimız».
Djeki Chan, akter, rejisser jäne prodiuser:
«Osy jerde bolǧanyma, Qazaqstanǧa qaita oralǧanyma öte quanyştymyn. Eŋ aldymen Kaspi.kz jäne Sälem Entertainment-ke, rejisserge jäne osy jobanyŋ jüzege asuyna aianbai eŋbek sıŋırgen barşa jandarǧa şyn jürekten alǧysymdy bıldıremın.
Filmnıŋ tüsırılımın bastaudy asyǧa kütıp jürmın. Film bastalǧanda ülken synaq ekenın bılemın, bıraq sonymen bırge būl erekşe şabyt syilaityn, zor quanyş äkeletın jūmys. Barşaŋyzdy jaqsy köremın. Raqmet!»
«Qūdaidyŋ sauyty» – älemnıŋ tükpır-tükpırındegı bırneşe buyn körermennıŋ süiıspenşılıgıne ie bolǧan kulttık şytyrman oqiǧaly franşiza. «Qūdaidyŋ sauyty: Ultimatum» jaŋa filmı Djeki Chan somdaǧan äigılı keiıpkerdıŋ hikaiasyn jalǧastyrady.
Filmnıŋ tüsırılımı Maŋǧystau jäne Almaty oblystarynda ötude. Būl tabiǧi körkem oryndardy Djeki Chan 2025 jyldyŋ soŋynda Qazaqstanǧa jasaǧan sapary kezınde özı taŋdaǧan.
Jobanyŋ bastamaşylary – Sälem Entertainment jäne Adal Investments. Filmnıŋ tūsaukeserı 2027 jyldyŋ aqpan aiyna josparlanǧan.
