Memleket basşysy Qasym-Jomart Toqaev qazaqstandyqtardy Astana künımen qūttyqtady, dep habarlaidy «Adyrna» tılşısı.
Prezidenttıŋ aituynşa, el taǧdyryna qatysty maŋyzdy şeşımder qabyldanatyn bas qala bügınde auqymdy tarihi özgerısterdıŋ qozǧauşy küşıne ainalǧan.
«Astana – egemen elımızdıŋ jüregı. Elordamyz – Täuelsız Qazaqstannyŋ simvoly, jarqyn bolaşaqqa ūmtylǧan ūltymyzdyŋ jasampaz küş-quatynyŋ qainary. Halqymyzdyŋ taǧdyryna tıkelei äser etetın şeşımder osy qalada qabyldanady.
Bas qalamyz auqymdy tarihi özgerısterdıŋ qozǧauşy küşıne ainaldy. Astana sapalyq tūrǧydan mülde jaŋa basqaru jüielerı engızılgen «aqyldy qala» märtebesıne ie boldy.
Sonymen bırge elordamyzda saiabaqtar, gülzarlar, balalarǧa arnalǧan alaŋdar salyndy. Osynyŋ bärı Astana tūrǧyndary men qonaqtary üşın jasalyp jatyr.
Elorda künı qarsaŋynda ūlt jylnamasyndaǧy tübegeilı betbūrys kezeŋıne jol aşqan Halyq Konstitusiiasy zaŋdy küşıne endı. Mūnyŋ simvoldyq mänı bar. Şyn mänınde, osy tarihi oqiǧa bilık pen qoǧamnyŋ negızgı instituttaryn jaŋǧyrtu ısınıŋ bastauy sanalady»,–dedı ol.
Prezident jaŋa konstitusiialyq zaŋ elordanyŋ saiasi, äkımşılık, ekonomikalyq jäne mädeni ortalyq retındegı rölın küşeitkenın aitty. Sondai-aq Astananyŋ halyqaralyq bedelı artyp kele jatqanyn, öŋırlık jäne jahandyq deŋgeidegı maŋyzdy mäselelerdıŋ osy qalada talqylanuy sonyŋ dälelı ekenın jetkızdı.
Memleket basşysy elorda jauapty azamattyq ūstanymǧa, «Zaŋ men Tärtıp» pen «Taza Qazaqstan» qaǧidattaryna negızdelgen jaŋa qoǧamdyq etikanyŋ ülgısı boluy tiıs ekenın atap öttı.
