Mäjılıs deputaty Rinat Zaiyt parlamenttegı üş jyldyq qyzmetınıŋ aiaqtalǧanyn aityp, osy uaqyt ışınde atqarylǧan jūmystardyŋ qorytyndysyn jariialady, dep habarlaidy «Adyrna» tılşısı.
Ol deputattyqqa keludegı basty maqsaty halyq müddesın qorǧau jäne elge paidaly qyzmet atqaru bolǧanyn jetkızdı.
«Äu bastan mandatqa ūmtylǧanymnyŋ ekı sebebı boldy. Bırınşısı – 2019 jyly köpşılıktıŋ aldynda eldıŋ müddesın jan salyp qorǧauǧa uäde etkenım, ekınşısı- mümkındıgı bar jerden halyqtyŋ paidasyna jaraityn qyzmet atqarǧym kelgenı. Şükır. Tolyqtai demesem de, ekı bırdei tılegım de oryndalady.
Mäjılıste jürgen üş jyldyŋ bır künın de jeke paidama nemese qaltamnyŋ qamy üşın jūmsamaǧanymdy közderıŋızge tık qarap, maqtanyşpen aita alamyn. Qandai jinalys, qai otyrys bolmasyn halyqtyŋ müddesın saudaǧa salǧan joqpyn. Deputat boluyma tıkelei qoldau körsetken AMANAT partiiasy men töraǧa Erlan Jaqanūly Qoşanovtyŋ demeuınıŋ arqasynda auyz toltyryp aita alatyndai jūmys jasadym»,–dedı ol.
Rinat Zaiyt mädeniet qyzmetkerlerınıŋ jalaqysyn köteru, ŪBT jüiesın memleketke qaitaru, Semeidegı saiajai mäselesın şeşu, onlain alaiaqtyq qūrbandaryn qorǧau, zaŋsyz şyǧarylǧan aktivterdı qaitaru, MÄMS jüiesın jetıldıru, memlekettık tıldıŋ aqparattyq keŋıstıktegı ülesın arttyru jäne şeteldıkterge surrogat ana qyzmetın paidalanuǧa tyiym salu siiaqty bastamalarda öz ülesı bolǧanyn atap öttı.
«İä, keide qalaǧan maqsatqa qol jetkıze almai «barmaq şainaǧan» kezderım de az bolǧan joq. Ol özımmen müddeles adamdardyŋ azdyǧynan dep tüsınersızder. Mäjılıs – jeke batyrlyq jasaityn jer emes. Atqarǧan jūmystarym jaily tolyq, aşyq aqpardy aldaǧy uaqytta keŋınen jariialaimyn, būiyrsa»,– dedı deputat.
Eske salaiyq, 29 mausym künı Qazaqstan tarihyndaǧy senattyŋ soŋǧy otyrys ötken edı.
