Bügın, 29 mausymda Bakude Bırınşı türkologiialyq qūryltaidyŋ 100 jyldyǧyna arnalǧan Türkı älemı aptalyǧy bastaldy, dep habarlaidy «Adyrna» tılşısı.
Is-şaraǧa 20 elden kelgen 215 qonaq qatysuda. 3 şıldege deiın jalǧasatyn aptalyq aiasynda halyqaralyq ǧylymi jäne mädeni ıs-şaralar ūiymdastyrylmaq.
Resmi bölımnen keiın «Türkı älemı – bır otbasy: ortaq maqsattarǧa jetu jolyndaǧy halyqaralyq türkı ūiymdarynyŋ yntymaqtastyq qyzmetı» taqyrybynda plenarlyq otyrys ötedı. Sondai-aq «Türkı tılderınıŋ damu dinamikasy: tarihi-filologiialyq közqaras» jäne «Bırınşı türkologiialyq qūryltai mūrasy: türkı halyqtarynyŋ mädeni jäne ǧylymi yqpaldastyǧy» taqyryptarynda paneldık pıkırtalastar josparlanǧan.
Aşylu saltanatynda Äzerbaijan basşysy İlham Äliev XIX ǧasyrdyŋ basynan berı elde jüzege asqan tereŋ qoǧamdyq-saiasi jäne mädeni özgerıster ūlttyq özındık sananyŋ qalyptasuyna jäne mūsylman ärı türkı älemındegı alǧaşqy demokratiialyq memlekettıŋ qūryluyna negız bolǧanyn atap öttı. Onyŋ aituynşa, ötken ǧasyrdyŋ basynda-aq Baku ūlttyq müddenı közdegen ziialy qauymnyŋ arqasynda joǧary intellektualdyq ortasymen erekşelenıp, älemdık türkologiianyŋ maŋyzdy ortalyqtarynyŋ bırıne ainalǧan.
Memleket basşysy Bırınşı türkologiialyq qūryltaidan keiın onda köterılgen negızgı ideialar men qaǧidattardyŋ keŋestık totalitarlyq jüie tarapynan jüzege asyrylmai qalǧanyna ökınış bıldırdı. Sonymen qatar ol 1930-jyldary qūryltai delegattarynyŋ basym bölıgı maqsatty türde quǧyn-sürgınge ūşyraǧanyn eske saldy.
Prezident bügınde Türkı memleketterı ūiymy jüzege asyryp otyrǧan köptegen jobanyŋ negızınde Bırınşı türkologiialyq qūryltaida ūsynylǧan ozyq ideialar jatqanyn atap öttı. Onyŋ aituynşa, türkı älemı XXI ǧasyrdaǧy yqpaldy geosaiasi ortalyqtardyŋ bırıne ainalu jolynda senımdı qadam jasap keledı jäne Äzerbaijan osy bırlıktıŋ berıktıgın nyǧaituǧa küş sala beredı.
Söz soŋynda prezident Türkı älemı aptalyǧy türkı halyqtarynyŋ bai tarihi ärı ruhani mūrasyn saqtau, zertteu jäne nasihattau ısıne eleulı üles qosatynyna senım bıldırdı. Onyŋ pıkırınşe, būl şara mädeni ömırdegı maŋyzdy oqiǧalardyŋ bırıne ainalyp, halyq jadynda ūzaq saqtalmaq.
Aita keteiık, būl şara İlham Älievtıŋ 2025 jylǧy 22 qazanda qol qoiǧan «Bırınşı türkologiialyq qūryltaidyŋ 100 jyldyǧyn ötkızu turaly» ökımıne säikes ūiymdastyrylyp otyr.
Türkı älemı aptalyǧy Äzerbaijannyŋ Mädeniet ministrlıgı, Ūlttyq ǧylym akademiiasy jäne Ǧylym jäne bılım ministrlıgınıŋ bırlesken ūiymdastyruymen ötude. Şaraǧa sondai-aq Türkı memleketterı ūiymy, TÜRKSOI, Baku memlekettık universitetı, Türkı akademiiasy jäne Türkı mädenietı men mūrasy qory serıktestık etedı.
