İrannyŋ İslam revoliusiiasy saqşylar korpusy (KSİR) qoldaityn Fars News aqparat agenttıgı eldıŋ iadrolyq tejeu äleuetıne qol jetkızuı qazırgı geosaiasi jaǧdaida maŋyzdy qajettılık ekenın mälımdedı, dep habarlaidy "Adyrna".
Agenttık jariialaǧan tüsındırme maqalada iadrolyq tejeu qabıletı İranǧa qarsy äskeri ıs-qimyldardyŋ aldyn alyp, eldıŋ qauıpsızdıgın qamtamasyz etuge mümkındık beretını aitylǧan. Sondai-aq mūndai qadam jaŋa älemdık tärtıp qalyptasyp jatqan kezeŋde «qajettı beibıtşılıktı» saqtauǧa yqpal etedı degen pıkır bıldırılgen.
Fars News mälımetınşe, iadrolyq tejeu İranǧa halyqaralyq kelıssözderge anaǧūrlym tiımdı ūstanymmen qatysuǧa jol aşady. Agenttık būl faktordyŋ özge dauly mäselelerdı äskeri emes, diplomatiialyq jolmen şeşuge jaǧdai jasaitynyn atap ötken.
Būdan bölek, maqalada iadrolyq tejeu İran, AQŞ jäne İzrail arasyndaǧy küşter tepe-teŋdıgın qalyptastyryp, yqtimal qaqtyǧystardyŋ auqymyn baqylauda ūstauǧa yqpal etuı mümkın degen boljam keltırılgen.
Alaida būl tūjyrymdar Fars News agenttıgınıŋ közqarasy bolyp tabylady. İran bilıgı resmi türde eldıŋ iadrolyq baǧdarlamasy beibıt maqsattarǧa baǧyttalǧanyn bırneşe ret mälımdegen.
