Qazaqstan Respublikasy Ǧylym jäne joǧary bılım ministrlıgınıŋ Ūlttyq testıleu ortalyǧy talapkerler men olardyŋ ata-analaryna ŪBT sertifikatyna qatysty ündeu jasady, dep habarlaidy "Adyrna".
Ortalyqtyŋ 25 mausymdaǧy mälımetınşe, ŪBT sertifikatyn qoldan jasau mümkın emes.
"Ärbır sertifikatta onyŋ tüpnūsqalyǧyn bırden tekseruge mümkındık beretın bıregei QR-kod bar. Sonymen qatar ŪBT sertifikaty resmi qūjat bolyp sanalady jäne ony qoldan jasau Qazaqstan Respublikasy Qylmystyq kodeksınıŋ 385-babyna säikes qylmystyq jauapkerşılıkke äkep soǧady", – dep mälımdedı Ūlttyq testıleu ortalyǧy.Vedomstvo ökılderı sertifikatty qoldan jasauǧa qatysty barlyq äreket qūqyq qorǧau organdaryna joldanyp, zaŋ aiasynda tiıstı şaralar qabyldanatynyn atap öttı.
Sondai-aq talapkerler men olardyŋ ata-analaryna ŪBT sertifikatyn app.testcenter.kz saityndaǧy jeke kabinetten, certificate.testcenter.kz portalynan jäne eGov elektrondyq ükımetı arqyly aluǧa bolatyny eske salyndy.
Būdan bölek, Ūlttyq testıleu ortalyǧy emtihan kezınde mikroqūlaqqaptar, jasyryn kameralar jäne aqparatty jasyryn türde aluǧa arnalǧan özge de arnaiy tehnikalyq qūraldardy paidalanudyŋ zaŋ aldynda jauapkerşılıkke äkeluı mümkın ekenın eskerttı.
"Qūrmettı talapkerler! Zaŋdy būzuǧa baǧyttalǧan kez kelgen äreketten bas tartuǧa şaqyramyz. Adal eŋbek pen ädıldık sızderdı äldeqaida ülken jetıstıkke jetkızetınıne senımdımız", – delıngen ortalyqtyŋ ündeuınde.
Ūqsas jaŋalyqtar
