Bügın, 22 mausymda AQŞ pen İran arasyndaǧy deldaldardyŋ qatysuymen ötken kelıssözderdıŋ alǧaşqy kezeŋı Şveisariiada aiaqtaldy, dep habarlaidy «Adyrna» tılşısı.
İran delegasiiasynyŋ qūramynda parlament spikerı Mohammad Bager Galibaf pen syrtqy ıster ministrı Abbas Arakchi boldy. AQŞ tarapynan kezdesuge vise-prezident Djei Di Vens, AQŞ prezidentınıŋ küieu balasy Djared Kuşner jäne arnaiy ökıl Stiv Uitkoff qatysty. Al ekı el arasyndaǧy kelıssözderge Päkıstan men Katar deldal boldy.
Al Hadath derekközderınıŋ mälımetınşe, İran delegasiiasy AQŞ prezidentı Donald Tramptyŋ qoqan-loqysyna qarsylyq bıldırıp, kelıssöz alaŋynan 80 minuttan keiın ketıp qalǧan. 21 mausym keşınde Tramp Fox News arnasyna bergen sūhbatynda Tegeran Ormūz būǧazyn jabatyn bolsa, İrannyŋ «el retınde saqtalmaitynyn» eskertken.
TASS agenttıgınıŋ derekközı 22 mausymda Şveisariiada AQŞ–İran memorandumy boiynşa josparlanǧan tehnikalyq konsultasiialar ötpeitının mälımdedı. Alaida Axios basylymy öz derekközderıne sılteme jasap, İrannyŋ kelıssözderden şyqqany turaly habarlarǧa qaramastan, keŋester künı boiy jalǧasqanyn jazdy. Basylym mälımetınşe, tehnikalyq toptar kelıssözderdı aptanyŋ soŋyna deiın jalǧastyru üşın Şveisariiada qalady.
Kelıssöz qorytyndysy boiynşa Päkıstan men Katar bırlesken mälımdeme jasap, «ümıt küttıretın ılgerıleu» bolǧanyn jäne aldaǧy tehnikalyq konsultasiialar üşın arnaiy tetık qūrylǧanyn habarlady. Mälımdemede kezdesu oŋ ärı syndarly jaǧdaida ötkendıgı aitylǧan.
Taraptar 60 kün ışınde tüpkılıktı kelısımge qol jetkızuge arnalǧan jol kartasyn bekıtken. Sondai-aq ekı el arasyndaǧy jäne Livandaǧy janjaldardy retteu üşın üilestıru ortalyǧyn qūru jönınde uaǧdalasqan. Būl qūrylym deldaldardyŋ qatysuymen Livandaǧy äskeri äreketterdı toqtatu turaly kelısımnıŋ oryndaluyn baqylauǧa baǧyttalady.
17 mausymda AQŞ prezidentı Donald Tramp pen İran prezidentı Masud Pezeşkian özara tüsınıstık turaly memorandumǧa qaşyqtan qol qoiǧan bolatyn. Bastapqyda kelıssözder 19 mausymda Şveisariianyŋ Biurgenştok eldı mekenınde ötedı dep josparlanǧan, alaida kezdesu keiınge şegerıldı. Tramp onyŋ būzyluyna İrandy kınälady. Financial Times pen CNN mälımetınşe, kelıssözder İzraildıŋ Livanǧa jasaǧan bırqatar soqqylarynan keiın keiınge qaldyrylǧan.
