Belgılı qazaqstandyq änşı Töreǧali Töreälınıŋ konserttık jäne gastroldık qyzmetı uaqytşa toqtatyldy, dep habarlaidy "Adyrna" ūlttyq portaly.
Būl turaly prodiuser Jan Mūqanov resmi mälımdep, arnaiy şeşım şyqqanǧa deiın önerpaztyŋ sahnaǧa şyqpaitynyn habarlady.
Prodiuserdıŋ aituynşa, mūndai şeşımge Pavlodar qalasyndaǧy ippodromnyŋ resmi aşylu saltanatynda änşınıŋ kelısılgen mındettemelerın oryndamauy sebep bolǧan. Osy jaǧdaidan keiın Almaty qalasynyŋ künıne josparlanǧan konsertter men küzde ötuı tiıs halyqaralyq gastroldık tur tolyqtai toqtatylǧan. Būdan bylai Töreǧali Töreälı arnaiy ökım şyqqanǧa deiın konsertterge, jeke ıs-şaralarǧa jäne özge de alaŋdarda öner körsetpeidı.
Sonymen qatar, prodiuser Pavlodar oblysy men qalasynyŋ äkımdıgıne, Mädeniet basqarmasyna, ūiymdastyruşylarǧa jäne körermenderge tuyndaǧan qolaisyzdyq üşın keşırım sūrap, keltırılgen şyǧyndardy öteu jūmystary bastalǧanyn jetkızdı.
Mälımdemede «Töreǧali Töreälı» brendın paidalanu qūqyǧy da söz boldy. Kelısımşart talaptaryna säikes, atalǧan brendke qatysty qūqyqtar äzırge prodiuserlık ortalyqtyŋ baqylauynda qalady. Josparlanǧan ıs-şaralar boiynşa barlyq mındettemeler tolyq oryndalmaiynşa, būl qūqyqtardy änşıge qaitaru mäselesı qaralmaidy.
Sondai-aq Jan Mūqanov Şymkent qalasynda ötken konserttıŋ prodiuserlık ortalyqpen kelısılmegenın jäne rūqsatsyz ūiymdastyrylǧanyn aitty.
Aita keteiık, būǧan deiın Töreǧali Töreälı Almatydaǧy Ortalyq stadionda ötken «Qairat» pen «Qyzyljar» futbol klubtarynyŋ matchy kezınde körsetken äreketı üşın de qoǧamnyŋ qyzu talqysyna tüsken edı.
