Aqmola oblysynda şamamen 17 tonna saŋyrauqūlaq tiegen jük kölıgı audarylyp qaldy. Oqiǧa 18 mausymǧa qaraǧan tünı Astana – Atbasar – Jaqsy avtojolynyŋ 327-şaqyrymynda bolǧan, dep habarlaidy "Adyrna".
Polisiianyŋ aldyn ala mälımetınşe, Mercedes-Benz jük kölıgınıŋ jürgızuşısı kölık tızgınıne ie bola almai, jol jiegındegı kiuvetke tüsıp ketken. Sonyŋ saldarynan fura audarylǧan.
Oqiǧa ornyna jetken patruldık polisiia qyzmetkerlerı jürgızuşınıŋ medisinalyq kömekke mūqtaj emestıgın anyqtap, jol qozǧalysynyŋ qauıpsızdıgın qamtamasyz ettı.
Jürgızuşınıŋ aituynşa, jük Reseiden Qostanai arqyly Astanaǧa jetkızılıp jatqan. Ol jolda jetkılıktı demalmaǧanyn jäne rölde otyryp qalǧyp ketuı mümkın ekenın aitqan.
Apat kezınde kabinada jürgızuşınıŋ özı ǧana bolǧan. Kölık qatty zaqymdanǧanymen, er adam zardap şekken joq. Poliseilerdıŋ mälımetınşe, onyŋ qauıpsızdık beldıgın taqqany auyr zardaptardyŋ aldyn alǧan.
Jol qozǧalysy erejelerın būzu faktısı boiynşa jürgızuşı äkımşılık jauapkerşılıkke tartyldy.
