Negızgı aksionerlerınıŋ bırı Nūrsūltan Nazarbaev qory bolyp sanalatyn KTK kommersiialyq telearnasy 2025 qarjy jylynyŋ qorytyndysy boiynşa şyǧynǧa ūşyrady. Būl turaly aqparat Qarjylyq eseptılık depozitariiınıŋ portalynda jariialanǧan aksionerler jinalysynyŋ hattamasynda körsetılgen, dep habarlaidy "Adyrna".
2026 jylǧy 28 mamyrda ötken aksionerler jinalysynda kompaniianyŋ terıs qarjylyq nätijesıne bailanysty 2025 jylǧy taza tabysty bölmeu turaly şeşım qabyldandy. Osyǧan säikes, jai aksiialar boiynşa dividendter tölenbeidı. Aita keteiık, mūndai tölemder soŋǧy bırneşe jyl qatarynan jürgızılmei keledı.
Sondai-aq aksionerler Direktorlar keŋesı müşelerıne, bas direktorǧa jäne basqaruşy qūramǧa 2025 jyldyŋ qorytyndysy boiynşa syiaqy tölemeu turaly şeşım şyǧarǧan.
Degenmen artyqşylyqty aksiialar ielerı tölem alady. Kompaniianyŋ ötken jyldardaǧy rezervterı esebınen bır aksiiaǧa 100 teŋge mölşerınde dividend töleu josparlanǧan. KTK-da barlyǧy 500 artyqşylyqty aksiia bar, sondyqtan tölemderdıŋ jalpy kölemı 50 myŋ teŋgenı qūraidy.
Aksionerler jinalysynda korporativtık basqaruǧa qatysty bırqatar şeşımder de qabyldandy. Atap aitqanda, 2026–2028 jyldar aralyǧyndaǧy qarjylyq eseptılıkke audit jürgızu qūqyǧy «Kaz Audit Finance» JŞS-ne berıldı. Sonymen qatar Esep komissiiasynyŋ qūramy jaŋartylyp, onyŋ qataryna üş jaŋa maman engızıldı.
Egov derekterıne säikes, KTK qūryltaişylarynyŋ sany 105-ke jetedı.
Aita ketu kerek, 2025 jylǧy qarjylyq eseptılık äzırge jariialanǧan joq. Alaida 2024 jyly telearna paidamen jūmys ıstegen. Sol jyly kompaniianyŋ taza tabysy 67,4 mln teŋgenı qūrasa, 2023 jyly būl körsetkış 64,9 mln teŋge bolǧan.
2024 jyldyŋ qorytyndysy boiynşa KTK-nyŋ tauarlar men qyzmetterdı ötkızuden tüsken tabysy 5,7 mlrd teŋgege jetken. Qyzmetterdıŋ özındık qūny 4,7 mlrd teŋgenı qūraǧandyqtan, jalpy tabys kölemı 970,2 mln teŋgege jettı. Al salyq salynǧanǧa deiıngı paida 94,9 mln teŋge bolǧan.
Aita ketsek, Nūrsūltan Nazarbaev qory 2000 jyly qūrylǧan. Qor jastardy, bılım men ǧylymdy, mädeniet pen äleumettık bastamalardy qoldauǧa baǧyttalǧan türlı jobalardy jüzege asyrady.
