Jezqazǧan qalasynyŋ jylu jelılerın rekonstruksiialau jäne jaŋǧyrtu jobasynyŋ üşınşı ıske qosu keşenınıŋ ekınşı kezegın jüzege asyru üşın rezervten 2,8 mlrd teŋgeden astam qarjy bölındı. Būl turaly bügın, 26 mausymda Ükımettıŋ baspasöz qyzmetı jazdy, dep habarlaidy «Adyrna» tılşısı.
Tiıstı qaulyǧa premer-ministr Oljas Bektenov qol qoidy.
«Jezqazǧan qalasy jylu jelılerınıŋ ūzyndyǧy 398 şaqyrymdy qūraidy. Nysan 1951 jyly paidalanuǧa berılgen, tozuy – 56,6%. Jylu jelılerı sehynda 1969 jyly ıske qosylǧan 8 sorǧy stansasy bar. Jylytu mausymynda jylu jelılerınıŋ tozuy jylumen qamtuǧa kerı äserın tigızude. Resurstardyŋ aitarlyqtai şyǧyny orta eseppen 35-40%-ǧa jetedı, būl qoldanystaǧy jäne salynyp jatqan nysandardy jylu jelılerıne qosuǧa mümkındık bermeidı»,– delıngen habarlamada.
Aita keteiık, Ükımet rezervınen bölıngen 2,8 mlrd teŋge jobany aiaqtauǧa jäne 98 myŋnan astam tūrǧyny bar qalanyŋ jylu jelılerın sapaly daiyndauǧa mümkındık beredı.
