Parlament Mäjılısınde ötken stalking pen qyz alyp qaşuǧa qarsy ıs-qimyl mäselelerıne arnalǧan döŋgelek üstel barysynda örbıgen pıkırtalasqa qatysty öz pıkırımdı bıldırgım keledı.
Ötken jyldyŋ küzınde qyz alyp qaşu äreketı üşın qylmystyq jauaptylyqty közdeitın zaŋ küşıne endı.
Bız būl mäselenı 2023 jyldan bastap köterıp kelemız, sondai-aq saraptamalyq jäne tüsındıru jūmystaryn jüielı türde jürgızdık.
Eŋ aldymen, aiqyn jaitty atap ötken jön: adam ūrlaudyŋ kez kelgen türı zaŋ talaptaryn öreskel būzu bolyp tabylady.
Būl qūqyqqa qaişy äreket mädenietke, ūlttyq dästürlerge, otbasylyq nemese kez kelgen özge de ömırlık män-jailarǧa sılteme jasau arqyly eşqandai erekşelık retınde tanylmaidy jäne aqtauǧa jatpaidy.
Qazaqstan Respublikasy Qylmystyq kodeksınıŋ 125-babyna säikes adam ūrlau qylmysy 15 jylǧa deiın bas bostandyǧynan aiyru türındegı qataŋ jazaǧa äkep soǧady. Būl qylmystyŋ qazaq halqynyŋ dästürlerıne de, ädet-ǧūryp qūqyǧyna da eşqandai qatysy joq.
Neke ūǧymy Qazaqstan Respublikasynyŋ Konstitusiiasynda «memleket belgılegen tärtıppen tırkelgen er men äieldıŋ erıktı jäne teŋ qūqyqty odaǧy» retınde bekıtılgen. Būl normanyŋ özge türde tüsındırıluıne jol berılmeidı.
Eger ekı kämeletke tolǧan azamat otbasy qūru turaly şeşım qabyldap, ata-anasynyŋ üiınen bölek şyqsa, zaŋ olarǧa bırlesken ömır süru qūqyǧyn jüzege asyrudyŋ zaŋdy jolyn uäkılettı organda qatynastaryn tırkeu arqyly ūsynady.
Qazaqstan Respublikasynyŋ azamattaryn Konstitusiia men özge de zaŋdardyŋ talaptaryn qataŋ saqtauǧa şaqyramyn.
Qazaqstan Respublikasyndaǧy Adam qūqyqtary jönındegı uäkıl
Artur Lastaev
