Oral men Szinchjou bauyrlas qalalar atandy. Batys Qazaqstan oblysy men Liaonin provinsiiasy arasyndaǧy yntymaqtastyqty nyǧaituǧa baǧyttalǧan maŋyzdy kelısımge Şenian şaharynda ötken halyqaralyq konferensiiada qol qoiyldy.
Aspanasty elındegı auqymdy ıs-şaraǧa aimaq basşysy Nariman Töreǧaliev bastaǧan batysqazaqstandyq delegasiia arnaiy qatysty. 50 memlekettıŋ ökılderı bas qosqan jiynda Qytaidyŋ ırı önerkäsıptık ortalyǧy sanalatyn Liaonin provinsiiasynyŋ äleuetı tanystyryldy.
Konferensiianyŋ jalpy otyrysynda oblys äkımı Nariman Töreǧaliev söz söilep, öŋıraralyq yntymaqtastyqty damytu boiynşa ūsynys-pıkırlerın jetkızdı.
- Batys Qazaqstan oblysy — Qytai Halyq Respublikasynyŋ Töraǧasy Si Szinpinnıŋ Astana qalasynda jariialaǧan «Bır beldeu — bır jol» bastamasynyŋ maŋyzdy tranzittık toraby. Kelıssözder men qoldaudyŋ nätijesınde qytailyq kompaniialar sūiyq metanol, sement zauyttary, gazturbinalyq jäne jel elektr stansalaryn saluǧa kırıstı. Özge de joba-josparlarymyz az emes. Byltyr BQO men Qytai arasyndaǧy tauar ainalymy 1,5 ese ösıp, 175 mln AQŞ dollaryna jettı. Bız Liaonin provinsiiasymen innovasiialyq şeşımder, jasandy intellekt, öŋdeu önerkäsıbı salasynda investisiialyq bailanystardy odan ärı tereŋdetuge daiynbyz, - dedı Nariman Töreǧaliev.
Liaonin provinsiiasyna qarasty şaharlar älemnıŋ 96 qalasymen bauyrlas. Bügın būl qatarǧa Batys Qazaqstan oblysynyŋ ortalyǧy da qosyldy. Oral men Szinchjou qalalarynyŋ basşylyǧy bauyrlastyq qatynastar ornatu turaly niettestık hattamasyna qol qoidy. Onyŋ aiasynda taraptar sauda-ekonomikalyq, ǧylymi-tehnikalyq, mädeni-sporttyq jäne özge de maŋyzdy baǧyttar boiynşa tūraqty bailanys ornatuǧa uaǧdalasty.
