Qytai men AQŞ jahandyq syn-qaterlerge jauap beru jäne ekıjaqty yntymaqtastyqtyŋ qauıpsız arhitekturasyn qalyptastyru üşın küş bırıktıruı tiıs. Būl turaly QHR töraǧasy Si Szinpin AQŞ prezidentı Donald Tramppen kelıssözder barysynda mälımdedı, dep habarlady «Adyrna» tılşısı TASS-qa sılteme jasap.
«Ekı el «Fukidid tūzaǧynan» ötıp, ırı derjavalar arasyndaǧy qatynastardyŋ jaŋa paradigmasyn aşa ala ma? Olar bırge jahandyq syn-qaterlerge qarsy tūryp, älemge köbırek tūraqtylyq äkele ala ma? <…> Būl — tarihtyŋ, beibıtşılıktıŋ jäne halyqtardyŋ mäselesı, sondai-aq däuırdıŋ talaby, oǧan ūly derjavalardyŋ köşbasşylary bırlesıp jauap beruı tiıs», — dep atap öttı Qytai basşysy.
Onyŋ aituynşa, jahandyq özgerısterdıŋ üdeuı jaǧdaiynda halyqaralyq qauymdastyq qaitadan tarihi betbūrys kezeŋıne tap bolyp otyr. Prezident Qytai men AQŞ-tyŋ ortaq müddelerı qaişylyqtardan basym ekenın, al bır taraptyŋ jetıstıgı ekınşı tarap üşın de mümkındık ekenın qosty.
«Tūraqty Qytai–AQŞ qatynastary älem üşın tiımdı», — dedı Qytai basşysy.
Fukidid tūzaǧy - amerikandyq saiasattanuşy Greham Allison tanymal etken termin. Ol jaŋadan küşeiıp kele jatqan derjavanyŋ bşūrynnan kele jatqan ūly derjavany halyqaralyq gegemon retınde yǧystyru qaupı tuyndaǧan kezdegı soǧysqa beiımdılık tendensiiasyn sipattaidy.
Aita keteiık, Tramp 13 mamyrda jūmys saparymen Beijıŋge barǧan edı. 15 mamyrda köşbasşylar beiresmi kelıssözder jürgızbek. Būl – Tramptyŋ 2017 jyldyŋ qaraşasynan bergı Qytaiǧa jasaǧan alǧaşqy sapary.
