Qazaqstan şaǧyn moduldı reaktorlar men zamanaui iadrolyq tehnologiialar salasynda Oŋtüstık Koreiamen yntymaqtastyqty damytuǧa müddelı. Būl turaly Atom energetikasy agenttıgı töraǧasynyŋ orynbasary Vasilii Lavrenov aitty, dep habarlaidy «Adyrna» tılşısı.
Onyŋ aituynşa, energetikalyq baǧyt — ekıjaqty yntymaqtastyqtyŋ negızgı basym salalarynyŋ bırı. Qazaqstan atom energetikasy salasyndaǧy halyqaralyq täjıribenı mūqiiat zerdelep, koreialyq serıktestermen bılım almasuǧa qyzyǧuşylyq tanytyp otyr.
«Yntymaqtastyqtyŋ perspektivaly baǧyty — şaǧyn moduldı reaktorlarǧa qatysty jobalardy damytu. Qazaqstan būl saladaǧy halyqaralyq täjıribenı mūqiiat zerttep, zamanaui reaktorlyq tehnologiialar boiynşa täjıribe jäne saraptamalyq bılım almasuǧa müddelı», – dedı Lavrenov.
Ol sondai-aq koreialyq KHNP kompaniiasynyŋ tehnologiialyq şeşımderı men halyqaralyq täjıribesı köpfaktorly taldau nätijesınde joǧary baǧalanǧanyn atap öttı. Būl taldau tehnologiialyq, qarjylyq jäne infraqūrylymdyq parametrlerdı qamtyǧan.
Lavrenovtıŋ aituynşa, qazırgı uaqytta taraptar atom energetikasy salasyndaǧy jaŋa bırlesken bastamalardy ıske asyruǧa qosymşa qūral bolatyn özara tüsınıstık turaly memorandum jobasyn äzırleude.
