Ońtústik Koreıada áýejaıdan qashqan qazaqstandyqtarǵa qatysty sot úkimi shyqty

4677
Adyrna.kz Telegram

Ońtústik Koreıadaǵy Inchhon áýejaıynan qashqan eki qazaqstandyqqa qatysty sot úkimi shyqty. Bul týraly advokat Meıirman Shekeev aıtty, dep habarlaıdy «Adyrna» tilshisi.

Zańger sottyń qazaqstandyqtarǵa 3 mıllıon von aıyppul salǵanyn jetkizdi.

«Bul Qazaqstannyń halyqaralyq taǵy bir bedeldi jeńisi. Endi Koreıadaǵy eki jigit 3 jylǵa túrmege toǵyttalmaı, aıyppul tólep ,elge qaıtatyn boldy»,—dedi ol.

Aıta keteıik, 27 naýryzda Syrtqy ister mınıstrligi Ońtústik Koreıaǵa kirýge tyıym salynǵan eki Qazaqstan azamatynyń Inchhon halyqaralyq áýejaıynan zańsyz shyǵyp ketkenin málimdegen edi. Keıinnen olardyń ekeýiniń de ustalǵany belgili boldy. Eki qazaqstandyq ta óz kinásin moıyndap, otbasylaryn asyraý maqsatynda jumys isteý úshin ushyp kelgenderin aıtty.

Pikirler