BQO Baiqonys auylyndaǧy tūrmystyq qaldyqtar poligonynan medisinalyq qaldyqtardyŋ tabyluyna bailanysty tekseru bastaldy, dep habarlaidy "Adyrna" ūlttyq portaly.
BQO sanitariialyq-epidemiologiialyq baqylau departamentınıŋ mälımetınşe, 5 mausym künı qoqys aumaǧynan qoldanylǧan şprister men biologiialyq materialy bar probirkalar anyqtalǧan. Oqiǧa turaly habar tüskennen keiın sanitariialyq-epidemiologiialyq baqylau basqarmasynyŋ mamandary polisiia jäne özge de memlekettık organdar qyzmetkerlerımen bırge oqiǧa ornyna baryp, medisinalyq qaldyqtardyŋ tögılgenın rastady.
Vedomstvonyŋ habarlauynşa, atalǧan derek polisiia organdarynda tırkelıp, tekseru jūmystary jürgızılude. Aldyn ala mälımet boiynşa, medisinalyq qaldyqtardy jinau jäne joiumen ainalysatyn ūiymnyŋ qyzmetkerlerı qaldyqtardy zaŋsyz töguı mümkın. Qazırgı uaqytta aumaq tiıstı memlekettık organdardyŋ baqylauyna alynǧan.
Bäiterek audandyq äkımdıgınıŋ naqtylauynşa, 4 mausym künı saǧat 23:30 şamasynda Baiqonys auyldyq okrugı aumaǧyndaǧy poligonǧa «GAZel» avtokölıgımen qaldyqtardy zaŋsyz tögu faktısı anyqtalǧan. Tekseru barysynda medisinalyq maqsatta paidalanylǧan synama alu probirkalary, beineampulalar jäne özge de medisinalyq qaldyqtardy tögıp jatqan azamat qūqyq qorǧau organdary qyzmetkerlerımen oqiǧa ornynda ūstalǧan.
Oqiǧa ornyna audan prokuraturasy men sanitariialyq-epidemiologiialyq baqylau basqarmasynyŋ ökılderı baryp, tiıstı tekseru jūmystaryn jürgızdı. Sanitariialyq-epidemiologiialyq baqylau qyzmetınıŋ mamandary äkımşılık hattama toltyrǧan.
Qazırgı uaqytta qūqyq qorǧau organdary oqiǧanyŋ barlyq män-jaiyn anyqtap jatyr. Tergeu amaldary jalǧasuda. Kınälı tūlǧalar anyqtalǧan jaǧdaida olarǧa Qazaqstan Respublikasynyŋ zaŋnamasyna säikes şara qoldanylady.
