Almatyda «Jasyl el» jastar eŋbek jasaqtarynyŋ jaŋa mausymy saltanatty türde aşyldy. Biyl joba aiasynda 2100 jas pen jasöspırımdı jūmyspen qamtu josparlanyp otyr.
Aşylu räsımıne Almaty qalasy Jastar saiasaty basqarmasynyŋ ökılderı, jastar ūiymdary, eŋbek jasaqtarynyŋ müşelerı, erıktıler jäne qala jastary qatysty.
Almaty qalasy Jastar saiasaty basqarmasynyŋ basşysy Aziz Kajdenbek Memleket basşysy Qasym-Jomart Kemelūly Toqaevtyŋ jastardy qoldau, ekologiialyq jauapkerşılıktı arttyru jäne qoǧamda tazalyq mädenietın qalyptastyruǧa erekşe män berıp otyrǧanyn jetkızdı.
«Prezidenttıŋ bastamasymen jüzege asyrylyp jatqan jalpyūlttyq «Taza Qazaqstan» aksiiasy azamattardyŋ ekologiialyq sanasyn jaŋǧyrtuǧa baǧyttalǧan maŋyzdy joba. Būl bastama tek tazalyq mäselesımen şektelmeidı. Ol qorşaǧan ortaǧa jauapkerşılıkpen qarau mädenietın, eŋbekke qūrmettı, tuǧan jerge süiıspenşılıktı jäne qoǧamǧa paida keltıruge degen ūmtylysty qalyptastyrady.
Osyǧan bailanysty Almaty qalasynyŋ äkımdıgı jastardy jan-jaqty qoldauǧa erekşe nazar audaryp keledı. Basty maqsatymyz – jastarǧa mümkındık jasau, olardy eŋbekke, qoǧamdyq ömırge tartu jäne äleumettık jauapkerşılık sezımın qalyptastyru.
«Jasyl el» jobasy osy maqsattarǧa qol jetkızudegı eŋ tiımdı bastamalardyŋ bırı. Ol jastarǧa alǧaşqy eŋbek täjıribesın jinaqtauǧa, tuǧan qalasyn körkeituge jäne ekologiialyq mädeniettı damytuǧa üles qosuǧa mümkındık beredı», – dedı Aziz Kajdenbek.
Bügınde Almaty elımızdegı jastar sany eŋ köp qala sanalady. Mūnda 769 myŋnan astam jas tūrady. Onyŋ ışınde 472,8 myŋy – jūmys ısteitın jastar, 307,8 myŋnan astamy – joǧary oqu oryndary men kolledjderdıŋ studentterı, al şamamen 80 myŋy – joǧary synyp oquşylary.
2005 jyldan berı jüzege asyrylyp kele jatqan «Jasyl el» jobasy jastardy eŋbekke bauluǧa, ekologiialyq sanany arttyruǧa jäne olardy qoǧamdyq paidaly jūmystarǧa tartuǧa baǧyttalǧan.
Joba jetekşısı Erdäulet Jünısbektıŋ aituynşa, jazǧy mausymda eŋbek jasaqtarynyŋ müşelerı qalany kögaldandyru, qoǧamdyq keŋıstıkterdı körkeitu, aumaqtardy sanitarlyq tazalaumen ainalysyp, ekologiialyq aksiialarǧa qatysady.
«Köptegen jas üşın «Jasyl el» alǧaşqy eŋbek mektebıne ainalady. Mūnda olar täjıribe jinap qana qoimai, jauapkerşılıkke, tärtıpke jäne belsendı azamattyq ūstanymǧa üirenedı», – dedı Erdäulet Jünısbek.
Aita ketu kerek, 2025 jyly Almaty «Jasyl el» jobasyn jüzege asyru boiynşa elımızdegı üzdık öŋır dep tanyldy. Ötken mausymda joba aiasynda 2100 jas jūmyspen qamtyldy. Sonymen qatar alǧaş ret kolledj studentterı men NEET sanatyndaǧy jastar keŋınen tartyldy.
Jaŋa eŋbek mausymy 30 qyrküiekke deiın jalǧasady. Jobaǧa 14 pen 35 jas aralyǧyndaǧy mektep oquşylary, studentter jäne jūmyssyz jastar qatysa alady. Barlyq qatysuşy arnaiy «Jasyl el» formasymen qamtamasyz etıledı.
Ūiymdastyruşylar biyl joba aiasynda qatysuşylar aiasyn keŋeitıp, ekologiialyq jäne qoǧamdyq bastamalardyŋ sanyn arttyrudy josparlap otyr.
