Belgılı ǧalym, halyqaralyq deŋgeidegı qarjyger Sanjar Aspandiiarov 59 jasqa qaraǧan şaǧynda ömırden öttı, dep habarlaidy «Adyrna» tılşısı.
Ol 1968 jyldyŋ 10 aqpanynda düniege kelgen. Atasy Bıläl Aspandiiarov tarihşy, lingvist jäne aǧartuşy bolyp, ömırın bılımdı saqtau men ony ūrpaqqa jetkızuge arnaǧan. Äkesı Serık Aspandiiarov — fizik-ǧalym, joǧary qysymdy almaz kamerasynyŋ jasauşysy, ǧylymǧa qosqan ülesı Qazaqstannan tys jerlerde de keŋınen tanylǧan tūlǧa.
Tanymal matematik Almaty qalasyndaǧy №56 orta mekteptı on tört jasynda bıtırıp, belgılı pedagog Arhimed Ysqaqovtyŋ synybynda oqyǧan. On bes jasynda-aq onyŋ jas matematik retındegı qabıletı turaly derektı film tüsırılgen. Joǧary bılımdı ol M. V. Lomonosov atyndaǧy Mäskeu memlekettık universitetınıŋ mehanika-matematika fakultetınde alyp, ony üzdık bıtırgen. Odan keiın oquyn Fransiiada, École normale supérieure doktoranturasynda jalǧastyryp, Sorbonnada doktorlyq dissertasiia qorǧaǧan alǧaşqy qazaq boldy. Dissertasiiasyn qorǧaǧannan keiın ol Sorbonnada oqytuşylyq qyzmette qalyp, osy universitette därıs oqyǧan Qazaqstannyŋ alǧaşqy ökılı atandy.
Japoniia, Fransiia jäne Qytaidyŋ memlekettık stipendiialyq baǧdarlamalarynyŋ iegerı retınde Sanjar Aspandiiarov Japoniia, Europa jäne Amerikanyŋ jetekşı universitetterınde ǧylymi-pedagogikalyq qyzmet atqardy. Ol bes tıldı erkın meŋgergen.
Sanjar Aspandiiarovtyŋ analitikalyq jäne strategiialyq qabıletı qarjy salasynda tolyq aşyldy. Ol Londondaǧy Credit Suisse jäne Citigroup kompaniialarynda, sondai-aq on jyldan astam uaqyt boiy Barclays Capital bankınde jūmys ıstedı.
