Qazaq ädebietı men ruhaniiaty auyr qazaǧa ūşyrady. Belgılı qalamger, aqyn, audarmaşy Serık Qūljaqanūly bügın, 20 mamyr künı Şyǧys Qazaqstan oblysy Qatonqaraǧai audandyq auruhanasynda dünieden öttı. Qaraly habardy alaştanuşy Ädılet Ahmet özınıŋ Facebook paraqşasynda jariialady, dep habarlaidy “Adyrna”.
«Marqūmmen qoştasu jäne janaza namazy 22 mamyr künı saǧat 10:00-de Qatonqaraǧai auylyndaǧy öz şaŋyraǧynda ötedı (Abai köşesı, 72)”, delıngen jazbada.
Serık Qūljaqanūly 1982 jyly Qytai Halyq Respublikasynyŋ Şyŋjaŋ Ūiǧyr avtonomiialyq ölkesıne qarasty Altai qalasy, Alaǧaq auylynda düniege kelgen. Ol qazaq jäne qytai tılderınde qatar qalam terbegen daryndy aqyn, prozaşy ärı käsıbi audarmaşy retınde tanyldy.
Bılım jolynda Şyŋjaŋ pedagogikalyq universitetınde köne qytai tılı mamandyǧy boiynşa bılım alyp, keiın Qytaidyŋ Soltüstık-Şyǧys pedagogikalyq universitetınıŋ psihologiia fakultetınde oqyǧan. 2016 jyly Qytai audarmaşylar qauymdastyǧy janyndaǧy ekıtıldı audarma kurstarynda bılıktılıgın jetıldırse, 2018 jyly Lu Sin atyndaǧy Ädebiet institutynyŋ joǧary deŋgeilı ädebi seminarynda bılımın tolyqtyrǧan.
Qalamgerdıŋ öleŋderı men prozalyq şyǧarmalary Qytaidaǧy türlı ädebi basylymdar men jurnaldarda jaryq körgen. Ol qazaq jäne qytai tılderınde ondaǧan körkem äŋgıme men ädebi tuyndylar jazyp, ädebiet pen mädeniet salasynda önımdı eŋbek ettı.
Serık Qūljaqanūly audarma salasynda da airyqşa ız qaldyrdy. Qazaq tılıne qytai poeziiasynan jüzden astam öleŋ audaryp, Hu Şidıŋ «Qyryq jyldyq ömırbaian» eŋbegın jäne tanymal «Jyldaǧy 8760 saǧat» kıtabyn qazaqşa söilettı. Sonymen qatar Äbılǧazy Bahadür hannyŋ «Şejıre-i türık» şyǧarmasyn qazaq tılınen qytai tılıne audarǧan.
Ol Şyŋjaŋ jazuşylar odaǧynyŋ, Qytai az ūlt jazuşylary qauymdastyǧynyŋ jäne Qytai audarmaşylar qauymdastyǧynyŋ müşesı bolǧan. Ädebiet pen audarma salasyndaǧy eŋbekterı bırneşe märte «Jyldyŋ üzdık tuyndysy» ataǧymen marapattalǧan.
2023 jyldyŋ şılde aiynda Qazaqstan Respublikasynyŋ azamattyǧyn alǧan aqyn soŋǧy jyldary tarihi Otanyna qonys audaryp, el ädebietıne belsene aralasyp jürgen edı. Ol "Joǧalǧan adam" degen öleŋınde bylai dep jyrlaǧan edı:
