Foto: Kursiv.kz
Alatau qalasynda Qazaqstandaǧy alǧaşqy aerotaksilerdıŋ synaq ūşuy öttı, dep habarlaidy "Adyrna" ūlttyq portaly Kursivke sıltep.
eVTOL (electric Vertical Take-Off and Landing aircraft) negızındegı äue kölıkterın synaqtan ötkızu şarasyna käsıpkerler, investorlar jäne jergılıktı bilık ökılderı qatysty.
Synaq barysynda AutoFlight şyǧarǧan jolauşylarǧa arnalǧan eVTOL apparaty tanystyryldy. Alty orynǧa arnalǧan aerotakside bes jolauşy men bır ūşqyşqa oryn qarastyrylǧan. Apparat saǧatyna 200 şaqyrymǧa deiın jyldamdyqpen ūşyp, bır reiste 200 şaqyrym qaşyqtyqty eŋsere alady.
Qauıpsızdık talaptaryna säikes synaq ūşulary jolauşylarsyz ötkızıldı. Qonaqtar men qatysuşylar aerotaksidıŋ qozǧalysyn arnaiy baqylau alaŋynan tamaşalady.
Şaraǧa qazaqstandyq käsıpker Viacheslav Kim, investor Iýrii Shai jäne Marat Sūltanǧaziev qatysty.
Joba aiasynda AQŞ, Braziliia, Europa jäne Qytaidaǧy eVTOL öndıruşılerı arasynda halyqaralyq tender ūiymdastyrylǧan. Nätijesınde İtaliia men Oŋtüstık Koreia kompaniialary jetkızuşı retınde taŋdalǧan.
Qazır italiialyq UrbanV operatory jäne Korea Airports Corporation korporasiiasymen bırlesıp, Alatau qalasynyŋ Golden audanynda UAM Center Eurasia jobasy äzırlenıp jatyr. Bolaşaqta būl ortalyq qalalyq äue mobildılıgı haby ärı vertiport retınde jūmys ıstemek. Aerotaksi operatorlary arnaiy daiyndyqtan ötıp, ūşqyşsyz aviasiialyq jüieler operatorlarynyŋ sertifikattaryn alǧan. Sonymen qatar aviasiialyq jūmystardy oryndauǧa rūqsat berılgen.
