Foto: repotr
İtaliianyŋ soltüstıgındegı Modena qalasynda jeŋıl kölık bır top adamdy qaǧyp kettı. Oqiǧa qoǧamda ülken rezonans tudyryp, jergılıktı bilık pen qūqyq qorǧau organdary tergeu jūmystaryn bastady, dep habarlaidy “Adyrna” portaly ANSA basylymyna sıltep.
Aldyn ala mälımetter boiynşa, kölıktı 31 jastaǧy er adam basqarǧan. BAQ habarlauynşa, ol 2022 jyldan berı psihikalyq densaulyǧyna bailanysty baqylauda bolǧan. Atap aitqanda, er adamnan şizofreniia belgılerı baiqalǧany aityldy.
Modena basşysy Fabrisiia Triolonıŋ mälımdeuınşe, oqiǧa kezınde er adam em qabyldap jürmegen. Sondai-aq onyŋ jūmyssyz bolǧany belgılı boldy.
Jergılıktı aqparat qūraldarynyŋ deregıne säikes, jürgızuşı kölıgımen qala köşesınde adamdar tobyna ädeiı nemese baqylausyz türde soǧylǧan. Saldarynan kemınde jetı adam zardap şektı. Olardyŋ törteuınıŋ jaǧdaiy auyr dep baǧalanuda. 55 jastaǧy äiel auyr halde auruhanaǧa jetkızılse, taǧy bır äiel ekı aiaǧynan aiyrylǧan.
Oqiǧa ornynda küdıktını ūstau kezınde de janjal bolǧany habarlandy. Il Giornale gazetınıŋ jazuynşa, er adam qaşuǧa äreket jasap, özın toqtatuǧa tyrysqan adamdy pyşaqpen jaralaǧan boluy mümkın.
Keiınırek Gazzetta di Parma basylymy küdıktınıŋ Citroën C3 markaly kölıktı basqarǧanyn naqtylady.
Qazırgı uaqytta qūqyq qorǧau organdary oqiǧanyŋ naqty sebepterı men män-jaiyn anyqtap jatyr. Tergeu jalǧasuda.
