İtaliiada 105 jasqa tolǧan äiel tuǧan künın jūmys ornynda atap öttı. Aiaq kiım fabrikasynyŋ basşysy Letisiia Gallidıŋ beineqūttyqtauy äleumettık jelılerde virusty türde taraldy. Ol 105 jyldyq mereitoiyn ärıptesterı men qyzmetkerlerınıŋ ortasynda atap öttı, dep habarlaidy “Adyrna”.
Jasyna qaramastan, italiialyq äiel älı de keŋsege baryp, 1926 jyldan berı äkesı negızın qalaǧan biznestı basqarudy jalǧastyryp keledı.
Galli būl qyzmetke 1939 jyly, nebärı 19 jasynda kırıstı. Qiyn soǧys jyldarynda ol brendtı saqtap qana qoimai, onyŋ pozisiiasyn küşeite aldy. 2005 jyly kompaniiany basqaru otbasynyŋ üşınşı buynyna ötkenıne qaramastan, Letisiia älı künge deiın komandanyŋ belsendı müşesı jäne kompaniianyŋ bet-beinesı bolyp otyr. Ūzaq jasauşy äiel zeinetke şyǧudy josparlamaitynyn aitady, öitkenı jūmys oǧan öz qajettılıgın sezınıp, äleumettık bailanystardy saqtauǧa kömektesedı.
Gerontologtardyŋ aituynşa, denı sau qarttyq äleumettık belsendılık pen jūmysqa degen qyzyǧuşylyqpen tyǧyz bailanysty. Ärıptesterdıŋ qūrmetı, jūmys ıs-şaralary jäne kündelıktı qarym-qatynas egde jastaǧy adamdardyŋ densaulyǧyna oŋ äser etedı. Äleumettık belsendılık depressiia, mazasyzdyq jäne tıptı jürek-qan tamyrlary aurularynyŋ damu qaupın tömendetedı.
