Astanada LRT jūmysyn Prezident baqylady, dep habarlaidy "Adyrna" ūlttyq portaly.
16 mamyrda Qazaqstan Prezidentı Qasym-Jomart Toqaev Astana LRT jobasynyŋ jūmysyn bastady.
Memleket basşysy alǧaşqy jolauşy retınde «Äuejai» stansasynan «Ūlttyq muzei» stansasyna deiın jürıp öttı. Sondai-aq Prezident qoǧamdyq kölıktıŋ, sonyŋ ışınde LRT jüiesınıŋ jūmysyn baqylaityn Bıryŋǧai dispetcherlık ortalyqtyŋ qyzmetımen tanysty.
Astana äkımı Jeŋıs Qasymbek LRT ıske qosyluyna bailanysty arnaiy dispetcherlık qyzmet qūrylǧanyn aitty. Qazırgı taŋda qoǧamdyq kölıktı baqylau men retteu jūmysyna 21 maman tartylǧan.
Ärbır LRT poiyzy 600-den astam jolauşyny tasymaldauǧa arnalǧan. Ūzyndyǧy 22,4 şaqyrym bolatyn jelıde 15 poiyz qatynaidy, onyŋ törteuı rezervte bolady. Poiyzdar jürgızuşısız rejimde jūmys ısteidı. Jüiedegı qozǧalys, jyldamdyqty arttyru, tejeu jäne esıkterdı aşu üderısterı tolyq avtomattandyrylǧan.
Joba aiasynda 18 stansa men zamanaui depo salynǧan. Marşruttyŋ tolyq ūzyndyǧyn jürıp ötuge şamamen 40 minut ketedı. Poiyzdardyŋ ortaşa jyldamdyǧy saǧatyna 50–60 şaqyrymdy qūraidy, al qozǧalys aralyǧy 5–6 minut bolady.
Prezident LRT jobasynyŋ Astana men bükıl Qazaqstan üşın maŋyzy zor ekenın atap öttı. Onyŋ aituynşa, bolaşaqta elorda Euraziiadaǧy ırı kölık habyna ainaluy tiıs.
Memleket basşysyna №001 seriialy arnaiy karta tabystaldy. Sonymen qatar LRT-tıŋ ekınşı kezeŋın jüzege asyru mäselesı qarastyrylyp jatyr. Jaŋa jelıler «Astana-1» vokzaly, «Jaǧalau» tūrǧyn alaby jäne Qosşy baǧytyna tartylmaq. Ekınşı kezeŋnıŋ jalpy ūzyndyǧy 26,5 şaqyrymdy qūraidy jäne 20 stansa salu josparlanǧan.
Joba soŋynda Prezident qytailyq kompaniia ökılderıne, CTS Transportation jäne Astana LRT qyzmetkerlerıne sättılık tıledı.
«This is only the first step! – Būl tek alǧaşqy qadam!» – dedı Qasym-Jomart Toqaev.
