Foto: AAAG
Qazaqstanda qalalyq äue mobildılıgı (Urban Air Mobility, UAM) baǧyty jaŋa kezeŋge qadam basuda. Mamyr aiynyŋ soŋynda Alatau Advance Air Group kompaniiasy elde alǧaş ret eVTOL – tık ūşyp-qonu jasaityn elektrlı äue apparaty negızındegı aerotaksidıŋ demonstrasiialyq ūşuyn ötkızudı josparlap otyr. Būl turaly kompaniia «Kursivke» bergen sūhbatynda mälımdegen, dep habarlaidy "Adyrna".
Kompaniia ökılderınıŋ aituynşa, 8 mamyrda Memleket basşysy Qasym-Jomart Toqaev Alatau qalasynyŋ arnaiy märtebesı turaly zaŋǧa qol qoiǧan. Būl qala üşın arnaiy qūqyqtyq rejim qalyptastyruǧa negız bolyp otyr.
Sol sebeptı Alatau qalasy qalalyq äue mobildılıgı (Urban Air Mobility, UAM) üşın erekşe alaŋ retınde qarastyryluda. Sebebı jaŋa qala infraqūrylymdy nölden bastap josparlauǧa mümkındık beredı.
Josparǧa mynalar engızıluı mümkın:
-
vertiporttar (ūşu-qonu alaŋdary)
-
äue dälızderı
-
tömen biıktıktegı qozǧalysty sifrlyq basqaru jüiesı
-
Smart City infraqūrylymymen integrasiia
-
kölık habtary arasyndaǧy baǧyttar
Mamandardyŋ aituynşa, būl täsıl jaŋa kölık jüiesın jyldam engızuge jol aşady.
2026 jyly Almaty aglomerasiiasynda pilottyq baǧyttardy ıske qosu josparlanǧan. Vise-premer Qanat Bozymbaevtyŋ aituynşa, äue kölıgı Almaty, Alatau jäne Almaty oblysy aumaǧynda 320–340 km/saǧ jyldamdyqpen qatynai alady.
Mysaly, Almatydan Medeuge deiın şamamen 10–12 minutta jetuge bolady.
2026 jyldan bastap Qazaqstanda vertiporttar jelısın salu bastalady. Joba Alatau Advance Air Group kompaniiasy men halyqaralyq serıktester – italiialyq UrbanV jäne Oŋtüstık Koreianyŋ Korean Airports Corporation ūiymdarynyŋ qatysuymen jüzege asady.
-
AutoFlight (Qytai) – 2026 jyly testtık ūşular josparlanǧan
-
jyldamdyǧy: 200 km/saǧ
-
4 jolauşy + ūşqyş
-
qaşyqtyǧy: 250 km
-
-
Joby Aviation S-4 (AQŞ) – 2028 jyldan bastap jetkızıledı
-
4 jolauşy + ūşqyş
-
qaşyqtyǧy: 160–241 km
-
jyldamdyǧy: 320 km/saǧ deiın
-
Barlyq alǧaşqy synaqtar jolauşysyz ötedı.
Mamandardyŋ pıkırınşe, eVTOL naryǧy älı tolyq qalyptaspaǧan. Sondyqtan jaŋa zaŋnama men infraqūrylymdy erte engızgen elder artyqşylyqqa ie bolady.
Qazaqstan üşın būl – Ortalyq Aziiadaǧy alǧaşqy qalalyq äue mobildılıgı (UAM) reguliatorlyq alaŋyna ainalu mümkındıgı.
Aita ketsek, 2025 jyldyŋ qaraşasynda Qazaqstannyŋ Sifrlyq damu ministrlıgı, Joby Aviation, Alatau Advance Air Group jäne käsıpker Viacheslav Kim arasynda şamamen 300 mln dollarlyq aerotaksi jüiesın qūru jönınde memorandumǧa qol qoiylǧan.
