What ‘ sApp messendjerinde Qazaqstanǵa Aýǵanstannyń 70 000 azamaty keledi degen qaýeset tarady. Alǵashqy 500 adam ushaqpen Shymkent áýejaıyna qonǵan, aldaǵy kúnderi taǵy 1500 adam keledi eken. QR SIM Aýǵanstannyń 70 000 azamatyn qabyldaý týraly taraǵan aqparatty joqqa shyǵardy, dep habarlaıdy "Adyrna" ulttyq portaly.
Aýǵanstannan bosqyndardyń keletini jáne olardyń Shymkent pen Túrkistan oblysyna ornalastyrylatyny týraly aqparatty QR Syrtqy ister mınıstrligi joqqa shyǵardy.
"Búgingi kúni taraǵan aqparat shyndyqqa janaspaıdy", – dep habarlady vedomstvonyń baspasóz qyzmetinen.
Barshańyzdy tek resmı aqparatqa ǵana senýge shaqyramyz! Jańalyqtyń shynaıylyǵyn bizdiń portaldyń kómegimen tekserýge bolady.
"Adyrna" ulttyq portaly
