Öskemen qalasyndaǧy metallurgiialyq alaŋda oryn alǧan öndırıstık jazataiym oqiǧa saldarynan auyr jaraqat alǧan Kazsink qyzmetkerlerınıŋ bırı auruhanada köz jūmdy, dep habarlaidy "Adyrna" ūlttyq portaly.
Kompaniia ökılderınıŋ mälımetınşe, qaza bolǧan qyzmetkerdıŋ otbasyna jäne zardap şekken barlyq jūmysşylarǧa qajettı qoldau körsetılmek.
Apat saldaryn joiu jūmystary jalǧasyp jatqany habarlandy. Oqiǧaǧa bailanysty memlekettık organdarmen bırlesken tergeu jürgızılıp jatyr. Qazırgı uaqytta käsıporynnyŋ myryş jäne qorǧasyn zauyttaryndaǧy öndırıstık quattar uaqytşa tömendetılgen rejimde jūmys ısteude.
Eske salaiyq, 5 mamyr künı «Kazsink» käsıpornynda tütın sorǧyş qūrylǧyny tazalau kezınde jarylys bolyp, artynşa ört şyqqan jäne öndırıstık qūrylymdardyŋ bır bölıgı opyrylǧan. Oqiǧa saldarynan bastapqyda ekı adam qaza tauyp, bırneşe jūmysşy jaraqat alǧan.
