Armeniia premer-ministrı Nikol Paşinian Siunik oblysyndaǧy Kornidzor auylynda ötken qoǧam ökılderımen kezdesude Qarabaqqa qatysty mälımdeme jasady, dep habarlaidy «Adyrna» tılşısı
Ol Tauly Qarabaqtyŋ eşqaşan respublika qūramyna kırmegenın aitty.
«Bızdı jerlerın joǧaltty dep aitady. Bıraq ol jerler bızdıkı boldy ma? Tüsındırıp berıŋızderşı. Men qaza tapqandardyŋ ruhyna tıl tigızgım kelmeidı, bıraq ol jerler bırneşe generaldyŋ baqylauynda boldy. Mysaly, onda bidai egetın, solai emes pe? Bız ol jerde baspahana, balabaqşa, zauyt saldyq pa? Ömır sürdık pe, qonys qūrdyq pa? Olar bızdıkı bolǧan joq»,-dedı premer.
Paşiniannyŋ būl mälımdemesı el ışınde ülken narazylyq tolqynyn tudyrdy. Köpşılık onyŋ ekıjüzdı ekenın jarysa jazuda.
Moiyndalmaǧan Tauly Qarabaq Respublikasy 2024 jyldyŋ 1 qaŋtarynda öz qyzmetın toqtatqan edı. 100 myŋnan astam armian öŋırden ketuge mäjbür boldy, al Paşinian Äzerbaijannyŋ şekaralaryn, onyŋ ışınde Tauly Qarabaqty da qamtityn aumaqtyq tūtastyǧyn moiyndau turaly deklarasiiaǧa qol qoiǧan.
