«QazMunaıGaz» UK AQ «Ózenmunaıgaz» AQ jumysshylary kásipodaǵynyń talaptaryna qatysty málimdeme jasady, dep habarlaıdy “Adyrna” ulttyq portaly.
Aıta ketsek, «Ózenmunaıgazǵa» qarasty «Burǵylaý jumystary basqarmasy» kompanııasynyń jumysshylary ereýilge shyǵyp, basshylyqqa bes túrli talap qoıǵan:
- ÓMG zeınetkerleri men densaýlyǵynan aıyrylǵan munaıshylardyń balalaryn tikeleı shtatqa alý;
- Jańaózen qalasynda jumyssyzdyq máselesin sheshý;
- Ujymdyq shartta 2013 deıin bolǵan derbes eńbekaqy tóleý júıesin qaıtarý;
- Mashınıster men operatorlardyń dárejesin kóterý;
- 30% qosymsha jalaqy tártibin tóleýdi ujymdyq shartqa engizý.
«ÓMG zeınetkerleriniń (burynǵy qyzmetkerleriniń) balalary kompanııanyń shtatyna tikeleı alynsa, 2020 jyly bekitilgen jumysqa ornalasý algorıtmin buzady. Algorıtmge sáıkes ÓMG zeınetkerleriniń balalary men jumyssyz azamattar 50/50 proporııasy boıynsha teń dárejede jumysqa qabyldanady. Bul talapty oryndaý múmkin emes, óıtkeni jumysqa ornalasý kezegin kútip otyrǵan Jańaózen qalasynyń basqa jumyssyz turǵyndarynyń quqyǵyn buzady.
ÓMG-de jumysshylarǵa merziminen buryn zeınetke shyǵýǵa múmkindik beretin arnaıy baǵdarlama bar. Zeınet jasyna taqaǵan qyzmetkerlerge arnalǵan baǵdarlamanyń talaptary aılyq eseptik kórsetkishke (AEK), munaıshynyń ótili men jasyna baılanysty, sonymen qatar otbasy múshesin jumysqa ornalastyrý múmkindigi de qarastyrylǵan.
Tólem mólsheri jumysshynyń ótiline jáne zeınetke shyǵýǵa deıin qalǵan aılar sanyna baılanysty AEK negizinde esepteledi. Bul rette, tólemaqynyń eń joǵary mólsheri 125 AEK — 40 jyldan astam eńbek ótili bar qyzmetkerler úshin belgilengen. Mysaly, ÓMG-de 40 jyldan astam jumys istegen qyzmetker búginde 60 jasqa kelip erte zeınetke shyqsa, 16,6 mln teńge alady», delingen habarlamada.
Bul rette jumysshylar kásipodaǵy qoıyp otyrǵan talap — AEK mólsherin 125-ten 300 AEK-ke deıin ulǵaıtý, bul tólem mólsherin eki eseden astamǵa arttyrady. Alaıda kompanııada qazirdiń ózinde jaqsy jaǵdaı jasalǵan, bir qyzmetkerge kórsetiletin áleýmettik qoldaý mólsheri — eń joǵary kórsetkishterdiń biri ekenin atap ótti.
«ÓMG jyl saıyn arnaıy tehnıkany jańartyp otyrady. Qazirgi ýaqytta burǵylaý jumystary basqarmasynyń tehnıkasyn qosa alǵanda, avtoparktiń 65% jańartyldy. 2022-2024 jyldar aralyǵynda buǵan 22 mlrd teńgeden asa qarjy jumsaldy, al 2029 jylǵa deıin taǵy 53 mlrd teńgeden astam bólinetin bolady. Tehnıkany jańartýdyń nátıjesinde jóndeý jumystary azaıdy, sondyqtan jumysshylar talap etkendeı jańa jóndeý bazasyn salý tıimsiz bolyp otyr. Arnaıy tehnıkany jańartý jumystary QMG tobynyń barlyq kompanııasynda júrgizilip jatyr.
Kásipodaq 2013 jyly qoldanysta bolǵan ÓMG ujymdyq shartynyń 5.19 tarmaǵyn qaıtarýdy usynady. Bul tarmaq boıynsha jeke tabys salyǵy men mindetti zeınetaqy jarnalary jumys berýshiniń esebinen tólenip kelgen. Al 2017 jyldan beri qyzmetkerlerge jalaqy salyq ustalǵannan keıin beriledi, bul QR zańnamasyna tolyǵymen sáıkes keledi», delingen habarlamda.
Aıta keteıik, 2024 jyldyń shildesinde Ózenmunaıgaz kompanııasynda eńbekaqy tóleýdiń jańa júıesine ótý jumystary bastalǵan. Kásipodaqtar men QR Eńbek mınıstrliginiń qatysýymen kúrdeli jumysty ádil baǵalaýǵa negizdelgen erejeler ázirlengen. Qazirgi ýaqytta ÓMG ishinde ózara kelisimder júrip jatyr.
«Jumysshynyń dárejesi QR Eńbek mınıstrliginiń 2018 jylǵy buıryǵymen bekitilgen Biryńǵaı tarıftik-biliktilik anyqtamalyǵy boıynsha belgilenedi. Qazir kúrdeli jumystarǵa tartylǵan uńǵymalardy jerasty jóndeý mashınısteri men operatoryna tólem 6-shy dáreje boıynsha júrgiziledi. Bul osyndaı jumystar úshin ádil aqy tóleýdi qamtamasyz etedi.
QR zańnamasyna jáne ÓMG-niń 2023 jylǵy eńbekaqy tóleý erejelerine sáıkes 30%-ǵa deıingi ústemaqy laýazymdardy qosa atqarǵany, qyzmet kórsetý túrlerin keńeıtkeni nemese qosymsha fýnkııalardy oryndaǵany úshin tólenedi. Sondaı-aq ÓMG jumysshylarynyń jalaqysyna jyl saıyn ındeksaııa júrgiziledi. Bul óńirdegi basqa munaı óndirýshi kásiporyndardaǵy ortasha jalaqydan asady», dep naqtylady «QazMunaıGaz» UK AQ.
