Talǧar audanynyŋ Östemır auyly maŋynda ornalasqan "Saz Talǧar №2" su qoimasynda ekı oquşy suǧa batyp kettı. Oqiǧa turaly habarlama 8 mamyr, jūma künı 112 jelısıne tüsken, dep habarlaidy "Adyrna".
Ata-anasynyŋ qarauynsyz qalǧan ekı kämeletke tolmaǧan jasöspırım demaluǧa arnalmaǧan aumaqta su aidynynyŋ maŋynda jürgen. Abaisyz äreket saldarynan olar suǧa qūlap ketken.
Oqiǧa ornyna Almaty oblysy TJD küşterı men qūraldary jedel jıberıldı. Izdestıru-qūtqaru jūmystary barysynda qūtqaruşylar ekı jasöspırımnıŋ denesın sudan alyp şyqty.
Almaty oblysynyŋ TJD azamattardy su aidyndarynda qauıpsızdık şaralaryn qataŋ saqtauǧa, balalardy qarausyz qaldyrmauǧa jäne qauıptı aumaqtarǧa barmauǧa ündedı.
Ūqsas jaŋalyqtar
