Jasandy intellekt jäne sifrlyq damu ministrlıgı, amerikalyq Joby Aero, Inc. kompaniiasy, Alatau Advance Air Group Ltd. jäne käsıpker Viacheslav Kim özara tüsınıstık jönındegı memorandumǧa qol qoidy. Oǧan säikes Alatau qalasynda äue taksi jüiesın qūru maqsatynda şamamen 300 mln AQŞ dollaryna elektrlı eVTOL ūşaqtaryn satyp alu közdelıp otyr, dep habarlaidy "Adyrna".
Ministrlık mälımetınşe, būl tıgınen ūşyp-qonatyn innovasiialyq ūşu apparattary Qazaqstandaǧy alǧaşqy qalalyq äue mobildılıgı (Urban Air Mobility) jobasynyŋ negızı bolmaq. Joba aiasynda sertifikattau jäne demonstrasiialyq ūşularǧa arnalǧan synaq alaŋyn qūru, sondai-aq Alatau men Almaty qalalarynyŋ kölık jelısıne äue taksiın integrasiialau josparlanyp otyr.
«Qazaqstan innovasiialyq kölıktıŋ bolaşaǧyna qadam basuda. Elektrlı eVTOL ūşaqtaryn satyp alu – smart qalalar men zamanaui tehnologiialardy engızu baǧytyndaǧy maŋyzdy kezeŋ. Būl şara Alatau qalasyn bolaşaqtyŋ joǧary tehnologiialy, bıregei qala retınde damytuǧa serpın beredı», – dedı Qazaqstan Respublikasynyŋ premer-ministrınıŋ orynbasary – Jasandy intellekt jäne sifrlyq damu ministrı Jaslan Mädiev.
Joby Aero, Inc. (AQŞ) – EvTOL aviasiia salasyndaǧy älemdık köşbasşy, sertifikattalǧan elektrlı äue taksilerınıŋ äzırleuşısı.
Viacheslav Kim – Kaspi.kz direktorlar keŋesınıŋ töraǧasy, «Alatau qalasy» jobasynyŋ investory.
Alatau Advance Air Group Ltd. – Qazaqstandaǧy äue mobildılıgı tehnologiialarynyŋ operatory jäne integratory.
