«Ädılet» saiasi partiiasynyŋ qūryltai sezınde partiianyŋ müşesı Renat Bektūrov BAQ ökılderınıŋ sūraqtaryna jauap berdı, dep habarlaidy "Adyrna" ūlttyq portaly.
Astana halyqaralyq qarjy ortalyǧynyŋ basqaruşysy ärı partiianyŋ basqaruşylar tobynyŋ müşesı Bektūrov partiianyŋ basty maqsaty ädılettı Qazaqstan qūru ekenın atap öttı.
«Ädılet» partiiasynyŋ jarǧysy 18 bölımnen tūrady. Al partiia baǧdarlamasynda bes negızgı qūndylyq belgılengen. Olar – ädılettılık, otansüigıştık, eŋbekqorlyq, jauapkerşılık jäne progress.
«Būl qūndylyqtar tek qaǧaz jüzınde qalmai, qoǧam men ekonomikada naqty körınıs tabuy tiıs. Sondyqtan bızdıŋ negızgı basymdyqtarymyz aiqyndalǧan. Sonyŋ bırı – zaŋ men tärtıp», – dedı Renat Bektūrov.
Qazırgı uaqytta «Ädılet» partiiasy Qazaqstan Respublikasy Ädılet ministrlıgınıŋ resmi tırkeuınen älı ötpegen. Partiia ökılderınıŋ aituynşa, qazır qajettı qūjattardy jinau prosesı jürıp jatyr.
