Astanada «Ädılet» partiiasynyŋ II Sezı öttı. Kün tärtıbınde partiiany odan ärı damytu, öŋırlık filialdar qūru, ūiymdyq qūrylymdy nyǧaitu jäne el damuy jolyndaǧy ortaq mındetter töŋıregınde saiasi küşterdı toptastyru mäselelerı qaraldy.
Sezd qarsaŋynda strategiialyq sessiia ūiymdastyrylyp, delegattar partiianyŋ aldaǧy kezeŋdegı basym baǧyttaryn talqylady.
II Sezd qatysuşylarynyŋ aldynda söz söilegen partiia töraǧasy Aibek Dädebai Qazaqstannyŋ jaŋa damu kezeŋıne aiaq basqanyn atap ötıp, saiasi küşterden reformalardy qoldau ǧana emes, halyqpen tyǧyz jūmys jürgızu jäne azamattardyŋ sūranystaryna naqty jauap berudı talap etetının aitty.
«Bız Prezident Qasym-Jomart Toqaevtyŋ Ädılettı Qazaqstan qūru baǧytyn tolyq qoldaimyz jäne ony memlekettı ūzaq merzımdı nyǧaitudyŋ strategiialyq baǧdary dep sanaimyz. Alaida reformalardyŋ tabysy tek memlekettık şeşımderge ǧana bailanysty emes. Ol qoǧamnyŋ özgerısterge qatysuǧa daiyndyǧymen jäne saiasi küşterdıŋ jauapkerşılıkpen ärı jasampazdyqpen äreket ete bıluımen aiqyndalady. «Ädılet» partiiasy qūrylǧan kezde bız bır qarapaiym ärı qaǧidatty ūstanymdy negızge aldyq: ädıletsız tūraqty damu bolmaidy. Ädıl erejeler ornaǧan jerde senım qalyptasady. Senım bar jerde investisiia keledı, käsıpkerlık damidy, azamattyq belsendılık artyp, qoǧamdyq bırlık nyǧaiady», – dedı Aibek Dädebai.
Sezdegı maŋyzdy şeşımderdıŋ bırı – Qazaqstannyŋ barlyq öŋırınde partiia filialdaryn qūru. Delegattar tiıstı şeşımdı qoldap, filialdardyŋ qyzmet tärtıbın aiqyndaityn erejenı bekıttı.
Partiia Saiasi keŋesınıŋ müşesı Börıhan Nūrmūhamedovtıŋ aituynşa, partiianyŋ bolaşaqtaǧy damuy öŋırlerdegı tiımdı jūmys jäne azamattarmen tūraqty dialogqa tıkelei bailanysty.
«Partiianyŋ taǧdyry öŋırlerde şeşıledı. Bızdıŋ jūmysymyzdyŋ negızgı alaŋy da sol jerde. Azamattardyŋ senımı de öŋırlerde qalyptasady. Adamdar partiiany kün saiyn naqty ısterıne, bastamalaryna jäne nätijelerıne qarap baǧalaidy. Sondyqtan oblystyq filialdar qoǧamdyq jäne saiasi ömırdıŋ tolyqqandy ortalyǧyna ainaluy tiıs», – dedı Börıhan Nūrmūhamedov.
Partiia ökılderınıŋ aituynşa, öŋırlık jelını damytu qoǧamdyq jūmysqa jaŋa köşbasşylardy tartuǧa jäne azamattardyŋ qoǧamdyq-saiasi üderısterge qatysu mümkındıgın keŋeituge jol aşady.
«Partiialyq jelınıŋ damuy azamattarǧa memlekettık şeşımderdı qabyldauǧa yqpal etıp, azamattyq qoǧamdy nyǧaituǧa mümkındık beredı», – dedı Qostanai avtomobil kölıgı kolledjınıŋ direktory ärı partiia Saiasi keŋesınıŋ müşesı Dmitrii Pavlenko.
Sezd barysynda adami kapitaldy damytu, bılım beru salasy, zamanaui tehnologiialardy damytu jäne azamattyq qoǧam instituttaryn nyǧaitu mäselelerı de talqylandy.
Sezd jūmysyn qorytyndylai kele, qatysuşylar partiia qūramyn keŋeitu jäne saiasi qyzmettıŋ tiımdılıgın arttyru arqyly partiianyŋ äleuetın odan ärı küşeitu mäselesın qarastyrdy.
Amanat partiiasynyŋ «Ädılet» partiiasyna qosyluy mäselesı boiynşa söilegen Aibek Dädebai qazırgı zamannyŋ syn-qaterlerı qoǧam aldynda tūrǧan naqty mındetterdı şeşuge baǧyttalǧan syndarly dialog pen nätijelı praktikalyq jūmysty talap etetının atap öttı.
AMANAT partiiasynyŋ «Ädılet» partiiasyna qosyluy – tar partiialyq müddeden joǧary tūrǧan, ūlttyq jauapkerşılıkke negızdelgen parasatty şeşım. Būl – Qazaqstan qoǧamynyŋ el müddesı üşın bırıge alatyndyǧymyzdyŋ naqty dälelı. Qoǧam men memleket aldyndaǧy jäne keler ūrpaq aldyndaǧy jauapkerşılıkten tuyndaǧan, eldık berekege bastaityn bailam», – dedı partiia töraǧasy Aibek Dädebai.
Talqylau qorytyndysy boiynşa delegattar Amanat partiiasynyŋ «Ädılet» partiiasyna qosyluy turaly şeşımdı qoldady. Tiıstı şeşım II Sezdıŋ qaulysyna engızıldı.
